مناقشه في أحداث روايه قيد من دهب

مساء الفل عليكم .... حبينا نغير فكرة المناقشة بأن كل واحد يسيب سؤاله وهجاوب عليه.. اول حاجه عاوزة اقولها شكرا علي تعليقاتكم المشجعه ومناقشتكم الرائعه بمختلف مضمونها واللي فعلا بتنم عن وعي وإدراك وشخصيات علي مستوي عالي من التفكير ....ثاني حاجه اسمحوا ليا اطول عليكم شويه واتكلم عن الروايه فكرت كتير في كتابتها واكيد مكانتش الفكرة في أولها بنفس الصورة اللي خرجت بيها دلوقتي ...كانت عبارة عن قصه حب بين جاسر وماس نوعا ما عاديه ومدرجه باختلاف أحداثها ولكن مع كتابتي لورد فريد بمختلف حكاياتهم اتشجعت اتعمق أكثر في كتابه شيء من واقع احنا بنعيشه واللي شجعني هو الجزء التاني من مهووس بك ياصغيرة اللي كان بيعرض الحياه الزوجيه بعد قصه الحب ومع مرور السنين والمشاعر اللي بنعيشها وفي الفترة دي مرت احداث كتير في حياتي وكنت اكيد بشاركها مع اللي حواليا سواء أصحاب أو اخوات وده اخدني لحكايات كتير واقعيه فيها مختلف المشاعر سواء دراما أو رومانسيه أو كوميديه ...فتعمقت فكرة قيد من دهب اكتر وقررت اكتب عن حكايتي مع بعض التغيرات ...كنت أنا أو أي بنت في سن عشرين ايه وسن تلاتين ...اول الزواج وبعده وهكذا لغايه ما وصلت الفكره لكده .....وحسيت فعلا أن قراءه شيء بنمر بيه اوقات بيفتح عقولنا أو بيغير أفكارنا أو حتي علي الاقل بيخلينا نقبل واقع ونفهمه ونلاقي حلول لمشاكلنا ...كلنا محتاجين نتكلم عن نفسنا واللي بنمر بيه ولكن علينا اول حاجه نختار اللي بتتكلم معاه والأهم نتكلم مع نفسنا ونحاورها ونشوف ونعترف بعيوبنا واهم من كده نشوف مميزاتنا الحقيقيه ونعرفها كويس لأنها بتعبر عننا من غير غرور زايد مش عيب ابدا نكون عارفين احنا ايه ..... من أصعب التجارب اللي بتمر علينا هي شراكه الحياه مع شخص آخر اكيد مختلف معانا في الطبع والشخصيه والعبرة هي بحسن المشاركه اللي بكل المقاييس الست فعلا بتحاول فيها قدر امكانها واتمني أن الرجل هو أيضا يكون عنده نفس الفكر والرواية لو في راجل قرأها جايز يفهم كتير اوي من الغاز المراه واللي هي مهما بلغت صعوبتها أو عدم حلها بتتخلص في ( حب ..حنان ...احتواء ..تفهم ....سند ) مفتكرش هنكون عاوزين اكتر من كده .....طولت عليكم ندخل بقي في المناقشه اعتقد جميع الاسئله دارت حول الشخصيات وعشان كده هرد عليها مجمعه اولا ،👈 ليليان ...رأفت : ام طيبه جدا زي كتير من امهاتنا مطيعه لزوجها وده مش عيب ابدا ....نشوف من وجهه نظرها... زوجها شخصيه قويه وحازم ولكنه زوج وقف بجوار ابيها وقفه بطوليه وعمره ما فكر يعايرها بوقفته جنبها ....هي كلما اعتبرنا صمتها سلبيه ولكن حرام نحكم ونطلق كلمه واحده عليها بدون اعتبار حياتها وظروفها اللي هي في الأساس ربه منزل ملهاش اختلاط بالعالم الخارجي كتير مسالمه بطبعها ومش بتعرف تتصرف وسايبه القياده لزوجها وهنتكلم علي رافت هو مش سيء بالرغم من دوره في الأحداث هو من البدايه كان اب خايف علي ابنه حازم جدا عشان مفيش حاجه تخليه يشجع ابنه أنه يكون مع بنت من وجهه نظره كانت هتضيع مستقبله... . بنت ابوها وامها بالصورة دي ومنتسرعش ونقول هي ملهاش ذنب انا حاليا مكان رافت وليليان مش ياسمين ....ليليان ام حاولت ولو بالكلام تقف جنب ابنها وهي خايفه عليه ولكن كلنا بتتصرف حسب طبيعتنا ولو نفتكر هي كانت بتتكلم مع رافت وده كل اللي كان في أيدها ....لما صالح اتكلم معاها عن ياسمين دافعت عنها ومسكتتش ولكن في كل الأحوال هي طبيعتها كده وده مش عيب ....رافت مازال اب خايف علي ابنه ولو بزياده أو بعناد لرؤيه ياسمين كما يراها صالح وبرضه منقدرش نلومه هو كان شاف ايه من ياسمين كويس حتي لما راح ليهم لقي ابوها في القسم ومشكله ابنه دخل فيها .....جايز فينا كلنا مثاليه طيب ما يعرفها ويحكم هقول انتي لو ابنك الصغير اشتكي ليكي من زميله من جواكي بتهب غريزة الامومه وتدافعي عنه حتي لو من مجمل الحكايه ابنك مخطيء الا اننا بنميل للكلمه اللي بنسمعها من اقرب الناس لينا مابالك أنه فعلا شاف من عيله ياسمين كل سوء ومن عيله مها مشافش الا صورة حلوة ... ثانيا : ماجده وزيدان ،👈 ماجده ام برضه وليها ظروف وشخصيه ...اغلب الوقت بتسمع شكوي بنتها من اخت جوزها فكرهتها وماله بس خلينا نفتكر لما عرفت ماس شويه ابتدت تدافع عنها وترجع تاني تتغير من ناحيتها وكله زي ما قولت طالع نازل وفقا للكلام اللي بنسمعه من اقرب الناس لينا ومش هقول أنه صح او غلط ولكن الكلام ده لو صادف هوي في نفوسنا بنمشي وراه وده العبره باللي جوانا ...جايز ماجده عندها استعداد فطري تكون حماه وتكره مرات ابنها وان لم تصل ماجده للكره فعلا لأنها مع ماس بتخاف عليها وبتعاملها كويس وبقت بتدافع عنها قدام بنتها وبنتصحها تطلعها من دماغها وفي كل الأحوال هي امها ولازم تسمعها ومش شرط تهاجمها لأنها مش هتقدر الا تقدم نصايحها زي ما بتعمل في كلامها أن جوزها كويس وتحافظ علي بيتها وتطلع ماس من دماغها .....زيدان اب دورة كويس اوي وبلاش نقول ياخد موقف ضد مي عشان برضه نفس الفكره احنا بنحكم لأننا شايفين مجمل الأحداث هو بقي بيحكم باللي بيشوفه وبالفعل اخد مواقف ضدها لما شاف غيرتها من ماس ثالثا : تهاني وعمران 👈 تهاني حماه كما قال الكتاب ولكن فيها ميزة مخفيه وضحتها الفصل اللي فات وهي أنها صريحه في مشاعرها ...كارهه فيروز من اول لحظه وبتعترف بده وبتتعامل علي أساسه ومن وجهه نظرها ليها اسباب فيروز بنت غريبه دخلت البيت واخدت مهران وكمان بقي ليها مكانه في البيت اللي هي الأساس فيه ...كلنا مش ملائكه بس برضه مفيش شر مطلق وده اللي حصل لما شافت فيروز بتقع اتصرفت وفق لطبيعتها الانسانيه عمران راجل هاديء بيتصرف وفق للي بيمر عليه وده موقفه مع فيروز والحلو فيه جدا أنه متمسكش بوجهه نظره عنها لما تقدمت منه خطوه بادر بالقبول وبالفعل غير فكرته عنها والاحلي فعلا أنه تجنب فيروز تماما لغايه ما صورتها توضح قدامه رابعا : مي ومالك 👈 مي كلكم اجمعتم أن فيها منها كتير حوالينا وده صحيح وبصرف النظر عن اللي تستحقه من عقاب واللي هيحصل بس ايه شعور واحده زي مي بتشوف انعكاس صورتها في الكلمات دي ...بمعني اصح بتشوف نفسها في مرايه الحقيقه اللي عمرها ما واجهت نفسها بيها وشايفه دائما أن عندها حق ...مي مش بتغير من ماس ولا بتكره اخوها ....مي بتغير من حب اللي حواليها لماس اللي هي من جواها مش بتحبها نوعا ما ....كل حاجه فيها بتتغير لما بتسمع كلمه حلوة عن ماس وعقلها الضيق بياخدها للمقارنه ومتعرفش أن جايز هي تكون احسن من ماس لو بطلت مقارنه وشافت نفسها ومميزاتها ..... مي شايفه ماس محبوبه من الكل وشايفه أنها متستحقش كل ده وده للاسف ابشع احساس في الدنيا ممكن نحسه تجاه شخص لأن ربنا هو اللي شايف ومقرر احنا نستحق ايه ومنستحقش ايه ...ربنا مقسم بالعدل حب الناس لينا ونعمه علينا فبشع جدا احساس اننا نقول فلان لا يستحق هذا .....ده جرم مي الاعظم أنها تستكتر نعمه معينه علي حد وتشوفه ميستحقاس ...بأي حق نقول مين يستحق ومين لا ده باختصار شعور مي اللي علاجها مش ياحتواء اخ ولا حزم اب ولا شده زوج ولا حتي نصائح ام ....مي علاجها أنها تواجهه نفسها بالحقيقه مش بالمثاليه ازاي بقي ....شعور طبيعي جدا جوانا الغيره من مثلا نجاح شخص أو كونه احلي اغني له قبول منصب وهكذا حلو اوي نقول ونعترف لنفسنا اننا بتغير اوقات ولكن لتكتمل تهذيب نفوسنا أن مع كلمه اه أنا بغير اخلي الغيرة طموح اكون احسن مش من اللي بغير منه ولكن في العموم ....اخد الغيرة طموح ورغبه في التحسن ...احنا كبنات ممكن نغير من جوانا ولو من شياكه واحده صحبتنا اوعي تخفي ده لا واجهي نفسك وقولي ليها أنها حلوة ومن جواكي خليكي احلي بس مش منها ولكن احلي لنفسك ...الكلمه بجد فيها سحر وزي ما في سحر اسود في سحر ابيض وهو سحر الكلمات بالشكر والثناء بأني اقول مبروك أو حلو اوي أو بالتوفيق وانا من جوايا حساها حتي لو غيرت بس اخليها غيرة ايجابيه ....من سنين طويله زعلت اني دخلت مجال دراستي اللي مكنتش حباه في الاول ووالدي كان بيتكلم معايا وقالي أنه كان له نفس احساسي لما اتخرج واشتغل في مكان أقل من زملائه بس قالي معاها حكمه قالي قبلت واشتغلت ووصلت لمكاني ده وبقيت بقول اني وصلت لمكان اعلي من اللي في يوم من الايام كنت عاوز ابدا منه وبالفعل هو راجل ناجح جدا واتعلمت منه كتير ولما بدأت شغل فصلت سنين وانا في مكان مش wow بالنسبه لدراستي بس فرصتي جت لغايه عندي لما اجتهدت زي ما وضحت مع ماس أنها مدورتش علي النجاح بس النجاح لاقاها لما اجتهدت اوي ....مي موجوده ومش هقول أنها بالمجمل انسانه وحشه اكيد فيها مميزات ولكن انا مركزة ضمن أحداث الروايه عن سوء طبعها فقط ولكن هي بشر زي اي بشر ولازم تفوق وتشوف بشاعه طبعها السيء قبل فوات الأوان لأن واقعيا الناس دي بتكون مكروهه جدا جدا ونفسي يشوفوا في كلماتي بالروايه مقدار سوء اللي بيعملوه ....هي قالت كلام لجاسر بدون ما تحط نفسها مكان ماس وتعرف أنها فعلا اتسببت ليها في الذي كبير مش هيعود عليها بأي فائده ....حتي لو الناس كرهت ماس مفكرتش هي هتستفاد ايه عشان كده خلينا بعيد عن إفساد حياه حد أو شغله أو دراسته عشان علي الاقل مش هيكون لينا فائده منه ( مبقاش مكروهه ووحشه وكمان غبيه مش هستفبد حاجه ) مالك اخ كويس وزوج كويس ...فيه عيوب ومميزات اكيد وكونه بيتعامل مع مي فخلينا نقول إنه بيتعامل زي ما ربنا أمرنا بالمعروف ولما بيلاقي منها سوء بيحاول يقومها وده مش عيب ....خلينا نصبر علي بعض طالما في حدود إنما لو تصرفاتها فاقت الحد لازم ياخد موقف رابعا : جاسر وماس 👈 الفصل ٤٣ كنا مع ماس الفصل ٤٤ مع جاسر مش هنقول مع أو ضد ولكن مع كل حدث بتوسع رؤيتنا للصورة جاسر راحل فيه مميزات وعيوب ولكن فيه عيب خطير مالوش علاج إلا أنه يعترف لنفسه بيه وهو العصبيه ... سم قاتل بيدمر حياه الشخص ناهيك عن اللي حواليه اللي بيعانوا من نوبات عصبيته .... خالص لاهو عاوز يقمع ماس ولا يلغيها ولا اي حاجه من دي لما بيكون في حالته الطبيعيه ولكن أول ما يتعصب بيشوف ماس ند له مش نصه التاني وده الغلط والفرق بينهم .....هي في الاول كانت بتقف له بنديه وبعد كده فهمت أنه نصها التاني وشريك حياتها مش ند ابدا لان النديه هتتطلب من الاخر التقليل من نده وابدا مفيش زوج أو زوجه هيقلل من شريك حياته ....كل ده تفكير سليم في وضع هاديء ومستقر حلو اوي لو نتكلم مع نفسنا بيه ونراجعها والمراجعه دي ابعد ما يكون عن جاسر حاليا اللي هو في خضم صراع قلبه مع عقله ضدها ....شاف أنها شايفاه كله عيوب و اتكسر مش شك في حبها ولكن صورته أنه فارس الاحلام فجاه ملقهاش ولازم يتصدم وحاليا بعيد عن المثاليه هو إحساسه طبيعي يحس أنها بتمثل المشاعر عليه نوعا ما مش هقول لا يراجع تصرفاتها وافعالها لأن دي المثاليه اللي مش بتحصل الا لما نهدي جاسر غيور اوي وعاوزها تكون له لوحده طبيعي بس برضه لو شاف أنه بالفعل في قلبها رقم واحد وأن مش معني اهتمامها بشيء تاني أنه جه عليه هيفهم واتمني ده يحصل ....زي ما تصرفات ماس بتعكس حبه له هو كمان تصرفاته العفويه بتعكس حبه الشديد ليها ....فخره بيها في كلام ابوه عنها وقوفه جنبها عدم احتماله رؤيه حزنها أو دموعها خوفه عليها إحساسه أنه يعمل حاجه بتحبها ..... جاسر كيان يا نقبل بيه بمميزاته وعيوبه أو نرفضه كيان محدش هيجمع علي حبه لان عصبيته بتتحكم فيه وماس فاهمه كده كويس وده سبب بقاءها واحتمالها له ...ماس عارفه ومحلله شخصيته وفاهمه أنه بياذيها من غير عمد مع انها بتتجرح اوي بس عندها ميزة تفهم وربنا أداها سماحه وهدوء عقلي وقلبي ورضي وتفهم أن كل مننا له مميزات وعيوب واي شخص مفتقر للحاجات دي صعب جدا بعيش مع شخصيه زي جاسر جاسر عكس مي ....جاسر بيأذي دون قصد والدليل أنه بيدمر نفسه وحياته ...مي بتأذي عن قصد متوقعه أن خلاصها في كراهيه الناس لماس جاسر يتغير أو لا ....ده بأيده هو لازم يوصل لقناعه أنه لازم يتغير عشان نفسه قبل غيره ماس بقي ..... ماس انسانه فيها برضه مميزات وعيوب بس ميزتها المهمه أنها بتتفهم اللي حواليها بتعترف بغلطها وتواجهه نفسها بيه ....خافت من الارتباط مع انها بتحب جاسر واعترفت بده يمنتهي الصدق لنفسها ولجاسر مع أن جاسر عمره ما اعترف بخوفه ده ... ماس متغيرتش ولا بقت ضعيفه لأن باحتمالها كل التغيرات دي هي قويه. ....ماس بتمر بحاله نفسيه سيئه وهي نفسها عارفه ومش عارفه تخرج منها وهي في اللحظه دي مش محتاجه تعالج نفسها عكس مي وجاسر بالعكس هي محتاجه اللي حواليها يعالجوها زي مالك وحنانه وتفهمه وده اللي محتاجاه من جاسر انه بس يتنازل عن الأنا ويشوف مشاعرها واحساسها هي مش عاوزة اكتر من حد يطبطب ويسمعها لأنها من كتر تحكم تصرفات جاسر فيها مبقتش عارفه اللي بتعمله صح او غلط ..... مكالمه عاديه بس بتعمل كوارث بينها وبينه بسبب عصبيته فمخها خلاها تخبي وفي الواقع بيحصل و نخبي ونخبي مع أن اللي بنخبيه ميستاهلش للاسف ماس ضائعه مع تناقضات جاسر ....خاف عليها ووقف جنبها لكن كسر قلبها ....عمل ليها مفاجاه بس كان قبلها سايب ذكري وحشه في قلبها منه ( لاب توب مكسور ولاب توب جديد ) ذكريات مرتبطه ببعض الحلو والوحش وهي هتبعد ازاي عن الوحش طالما مربوط بالحلو ..... بيدافع عنها وبيعاتبها من عشقه ليها بس عتابه جارح اوي ودفاعه مقرون بهجومه عليها .....من الاخر ماس ضائعه ومش عارفه تقف معاه ولاضده لانه متناقض جدا وهي فاهمه ده ..... لو جاسر وحش كليا كانت بسهوله تبعد عنه بس للاسف هو الحلو متعادل مع الوحش وكل ما الوحش بيزيد شويه يقوم بعمل حاجه حلوة ترجع تعدل كفه الميزان وكل ما يعمل حاجه حلوة زياده يرجع تاني يعمل حاجه وحشه طولت عليكم جدا وفعلا الروايه والكلام عنها استنزف طاقتي ومشاعري جدا وخصوصا اخر فصلين لانه خضم الأحداث والمشاعر اللي مريت بيها واحساس أنه انا مبقتش عارفه الصح من الغلط وانا مضطره ابرر سلوك انا بالفعل اضطربت له ومع ذلك ده ميعفنيش من الغلط ...احساس صعب مجرد محاوله التبرير مع صورة مسبقه مترسخه حاليا في دماغ جاسر .....ماس قويه وهتتجاوز الأزمات بمساعده الزمن واللي حواليها واولهم جاسر باختصار ....دعونا نري اخطاءنا ولا نري احطاء الغير بعيون ناقده بل بعيون محبه تريد النصح ولنتوقف عن جلد الآخرين بسياط ألسنتنا التي تطحن العظام كما فعلت مجرد كلمات بجاسر من مي دعونا نعمم السلام وننأي بأنفسنا عن بغض وكراهية وغيرة غير. مشروعه دعونا نستعيد مشاعرنا الجميله بعيد عن الحسد والنقم علي الآخرين دعونا نربي ابنائنا علي حسن السلوك وتهذيب النفس قبل النظر للآخرين توقفوا ايتها الأمهات الصغيرة ( ابني مثلا عمل حاجه غلط بدل ما اقوم سلوكه اهاجم ام تانيه واقولها ابنك بيعمل ..... ابرر لنفسي خطأ في حق زميل واقول هو بيعمل ....ملناش دعوة بتصرفات غيرنا وخلينا نبدا بنفسنا لأن كل واحد بيحاسب علي تصرفاته ) دعونا نتحلي بحسن الخلق الذي قل كثيرا دعونا لا ننظر حولنا إن كان يرانا احد ونحن نخطيء وننظر للاعلي حيث يرانا الله من الاخر محدش فينا ملاك ولا شيطان كلنا فينا الخير والشر فعلي الاقل نعادل نسبه الخير والشر بالنسبه لباقي الاسئله عن الأحداث هنعرفها اكيد في الاحداث ....باقي مكرم و مهران وفيروز وصالح ومها وياسمين هنتكلم عنهم في مناقشه جديده والسؤال الجوهري ....ميعاد الفصل وهتخلص امتي والله انا قبلكم عاوزه اخلصها وبحاول فعلا بس لازم انزل شيء مناسب وده بياخد وقت ده غير اني فعلا اوقات مش بيكون عندي قدره اكتب حاجه انا بالفعل عيشتها وبتسبب ليا ذكري معينه انا حتي اختطفها ولكن مش قادره اكملها لاني منغمسه كليا في عيش مشاعر قيد من دهب المهم الفصل بيخلص بنزله علي طول وهكذا برضه مع سليم وحور اللي يخلص بنزله دمتم سالمين واسفه للاطاله