حكايه عمر اقتباس

: يا انسه بقولك الشقه معروضه للبيع ..... ؟!

عقدت حاجبيها بضياع وهتفت بصوت خافت : باع الشقه ...!

اخر امل لها في الوصول إليه انقطع لتخرج غرام من العماره بخطي هائمه وكأنها وسط بحر لا تبصر به نهايه ولا بدايه ...تتقاذفها الأمواج من كل جانب ولا تعرف اي طريق هو طريق النجاه 

جلست علي الرصيف المقابل وعيناها غامت بالدموع وهي تتذكر تلك الليله التي جائت بها معه بمحض إرادتها لهذا المنزل والذي ظنت أنه الطريق لوصولها إليه ولكن الآن أصبح أملها مجرد سراب ....!

نظرت إلي عزه باستفهام : اشتغل ايه معاكي ؟

قال عزه بمكر أصبحت غرام اذكي من ألا تراه : خاطبه بس مودرن .....

أخفت غرام فطنتها ونظرت لها بنظره حمل وديع وهي تسألها : ازاي 

أحاطت عزه كتفها بذراعها قائله : اقولك ...يعني انتي مثلا بتروحي الكوافير والخياطه و هتتعرفي علي بنات هنا وهناك وتقعدي علي النت تدخلي جروبات البنات زي فيفي وتتعرفي علي البنات وهيبقي ليكي نظره مين منهم عاوزة جوازه حلوة تريحها وفي الوقت المناسب تعرضيها عليها 

أخفت غرام اشمئزازها من حيل تلك المرأه وهي تهز راسها ودون إرادتها تخرج نبرتها المتهكمه : تريحها زي ما ريحتني 

نظرت لها عزه بطرف عيناها : وهو انتي طلعتي من الجوازه ببلاش ياغرام .....هبت واقفه وتابعت باستخاف : اعملك ايه إذا كان الراجل قال معجبتهوش وعشان كده طلقك 

واجهتها غرام بانفعال : مقاليش ليه كده 

قالت عزه ببرود : قالي انا 

هتفت غرام بإصرار : خليني أكلمه اسمعها منه 

هزت عزه راسها : لا ...قبل أن تفتح غرام فمها كانت عزه تندفع بتحذير : قولتلك ابعدي عن سكه ايهم ياغرام احسنلك ....انا مش هعيد تحذيري تاني ...!

نظرت لها غرام مطولا قبل أن تبتعد من امامها حتي لا تفقد سيطرتها علي أعصابها ومعها تفقد أملها في الوصول لاي طريق لهذا الرجل ....كل ما خططت له الايام الماضيه سيضيع لو تهورت لذا عليها الحفاظ علي هدوءها ...!

 

خرج مراد من الاستحمام ليقف أمام المراه يصفف خصلات شعره وعيناه تتطلع الي جوري الواقفه خلفه تفرغ محتويات الحقائب ...

لتترك جوري ما بيدها وتتجه الي باب الغرفه ليوقفها مراد 

: جوجو رايحه فين ؟!

قالت له وهي تنظر إليه : هروح اجهز الغدا 

اوما لها وهو يتابع تصفيف شعره طيب : لو سمحتي الاول جهزي ليا هدومي عشان نازل الشغل كمان شويه 

أومات جوري واتجهت الي الخزانه تخرج له ملابسه وهي تسأله : قدامك اد ايه عشان الحق اجهز الغدا 

هز كتفه قائلا : ساعتين ولا حاجه 

أومات له وبدأت ترتب ملابسه علي المقعد الطويل ليقول مراد وهو يتجه الي الفراش ويجذب هاتفه : جوجو هاتي الشاحن لو سمحتي 

اتجهت جوري إلي حقيبته الصغيره تخرج منها شاحن هاتفه وتعطيه له ليقول مراد وهو يأخذه من يدها : شكرا 

قبل أن تجيب كان يقول باستدراك : جوري معلش ياروحي ...طلعي اللاب توب من الشنطه واشحنيه هو وال lpad  

أومات جوري ليستدرك مراد وهو يعبث بهاتفه دون أن ينتبه أنها مثله عادت من السفر وتحتاج للراحه وليس لسيل من الطلبات 

: اعملي حسابك علي الساعه سبعه هرجع اخدك نروح نتعشي عند ماما وبابا 

أومات جوري ليتابع : بس ابقي جهزي ليا طقم خفيف عشان هغير هدومي لما ارجع ...وابقي افتكري ناخد معانا الهدايا 

لا يتوقف عن الطلبات وهي تهز راسها وماكاد ينتهي حتي التفتت له جوري حينما بدأت نبرته تتغير بينما يقول : جوجو .....قبل ما تعملي كل ده .....اشار لها بنظرات عابثه وهو يتابع : تعالي عشان انتي وحشتيني اوي ....!

قراءه ممتعه بقلم رونا فؤاد 

ايه رايكم و توقعاتكم

الفصل ان شاء الله ينزل خلال يومين بالكتير