هتفت احسان من بين اسنانها بغل شديد : عارفه لو كلامك مطلعش صح والعمل ده برد ناري انا هعمل فيكي ايه
قالت قدورة بثقه بينما تمد يدها إليها بهذا المغلف الصغير : اسمها تقوليلي هتعملي ليا ايه لو حققتلك المراد ...انتي بس تاخدي ده وترشيه زي ما قولتلك وكلها كام يوم وهتقوليلي انتي تسلم ايدك يا قدورة
لمعت عيون احسان بالتشفي بينما تأخذ المغلف من يد المراه : كام يوم كتير يا قدورة
ضحكت المراه قائله وهي تمد يدها باشاره للأموال : ارمي بياضك انتي بس وشوفي
وقفت احسان تغلق ذلك العقد الذهبي الذي وضعته حول عنقها ليتلألا فوق طرحتها الزرقاء بينما تقول وهي تنزل الدرج : خلاص يا اما حميده خلصت اهو و نازله
رفعت حماتها راسها تجاهها قائله : كل ده بتلبسي يا احسان ..ايه رايحه فرح !!
ضحكت احسان واتقنت رسم تلك السعاده الغامره علي ملامحها الجميله والتي لاتمت بصله الي دمامه قلبها : اكتر من الفرح يا اما حميده ....ده انا الفرحه مش سيعاني من اول ما عرفت ان ربنا قوم نشوي بالسلامه وجابت الولد ...دي نشوي اختي واكتر من اختي
وضعت يد حماتها في ذراعها وسارت معها تجاه السياره بينما تتابع تشدقها بمباركه زائفه بينما كل ما بداخلها هو حقد وغيره من اخت زوجها التي أنجبت بينما هي لا !!
لم يستطع هادي الصبر فبدت طرقاته علي الباب متعجله لتسرع شروق تضع طرحتها علي رأسها وتفتح الباب لتقف مكانها بعدم تصديق : هادي .....
جذب ذراعها بعنف مزمجرا وهو يرفع علبه الدواء امامها : انطقي !
تعلثمت شروق وكاد صدرها ينفجر من فرط دقات قلبها المرتعب وهي تفكر للحظه أن تكذب ولكن كيف وهو بالفعل يمسك بدليل إدانتها لتنطق بنصف الحقيقه : انا ...انا ...انا لسه جايبه العلبه ومأخدتش منها ولا حبايه
انا بس كنت بفكر
صرخ هادي بعنف : كدااابه !!
هزت راسها بخوف : مش بكذب واهي العلبه مقفوله قدامك ...انا ماخدتش منها
عاد ليهدر بغضب : امال جبتيها ليه ؟!
اندفعت الدموع من عيونها ونكست راسها للأرض بينما تقول بصوت واهن صادق بالرغم من أنها متاكده أنه لن يصدقها : معرفش
نظر لها هادي بسخط ممزوج بعدم الفهم : يعني ايه متعرفيش
قالت شروق بتعب واضح وهي تلقي بنفسها علي الحائط خلفها تتمسك به حتي لاتقع : معرفش يا هادي ....معرفش غير اني مش طايقه انك تقرب مني !!
قراءه ممتعه بقلم رونا فؤاد
ايه رايكم ....أحسان شايفين الغل والحقد ايه سببه
مين شروق ....هادي هيعرف ايه عن احسان !!
ررروووعه
ردحذفبدايه ظريفة 🧡🧡🧡🧡🧡🧡🧡😍
ردحذف