انا عاوزة افرح بيكي يا وصال
وانا كمان يا ماما عاوزة افرح ...تنهدت وتابعت بينما رأت نظره الشك في عيون والدتها : أيوة يا ماما انا كمان نفسي افرح زي اي بنت بتتجوز
قالت مهجه بعتاب لطيف : يبقي لازمتها ايه تتشرطي علي الناس
قالت وصال بعقلانيه : مش بتشرط يا ماما ...انا بقول طلباتي
: يا بنتي مش بتتفهم كده ...امه هتقوله انك بتتشرطي عليه وعاوزة تبعديه عنها
هزت وصال كتفها وتابعت : لو سمع كلامها من غير ما يفكر فيه يبقي هو حر
نظر هادي الي وصال لتتهادي تلك العقده الي جبينه بينما يردد باستهجان : لا !
اومات وصال وقالت بإصرار لا يقبل الجدل : أيوة لا يا هادي ...بيت عيله لا ..انا عاوزة بيت لوحدي !
حك هادي ذقنه ونظر لها دون أن يعطيها اجابه : وايه تاني ؟
قالت وصال وهي تتأهب لاجابته : انت جاوبت علي الاول عشان اقول التاني
قال هادي باقتضاب : اسمع طلباتك كلها بعدها ارد عليها !
تمهلت وصال قليلا قبل أن تفاجيء هادي بردها المتزن : وانا عاوزة اسمع ردك علي اول طلب عشان الباقي مش هيكون له لازمه لو منفذتش اول حاجه
تقابلت نظرات كلاهما ليخشي هادي ذكاءها وفطنتها التي فهمت بها تجارته الرابحه حينما تقدم عشر طلبات يقبل منهم تسعه ويرفض واحد وبهذا لايخرج خاسر وهي ترضي بالمكسب !
مش عارفة حاسة هادى بياخد وصال على قد عقلها تسلم ايدك حبيبتي
ردحذفعندى احساس ان هادى حيرجع إحسان
ردحذف