نظرت بهيه الي دنيا وهزت راسها قائله بنصح : يابت حبي الخير لغيرك عشان يجيلك وربنا يديكي من فضله ...دي فاتحه اختك وانتي لازم تروحي تفرحيها وتقفي جنبها ...دي اختك ومالكمش الا بعض
اشاحت دنيا بوجهها وهتفت بسخط : كفايه تروحي انتي ..هو مش دياب مكبرك من الاول وهي عملاكي اختها يبقي انا ماليش لازمه طالما معزمتنيش
هتفت بهيه بضيق : يابت بقولك اختك ...في اخت بتعزم اختها ...ربتت علي كتفها وتابعت : يلا قومي البسي ربنا يهديكي..يلا يابت ولا عاوزة الناس تقول اختها مجتش
هزت دنيا كتفها وقالت ببرود : اللي يقول يقول وانا لو حد سألني هقول
زفرت بهيه وهتفت بها بتوبيخ : بقالي ساعه بقولك حبي الخير لغيرك ما بالك بأختك
: أمه حميده
التفتت حميده الي احسان التي تابعت : عاوزة فلوس
عقدت حميده حاجبيها باستفهام : ليه ؟!
قالت احسان بجرأه : عاوزة اروح اشوف نفسي واشتري كام عبايه واخلي البت رضوي تلون شعري ولا ماليش نفس البس وابقي حلوة زي مرات ابنك التانيه اللي عماله تبعزق فلوسه يمين وشمال ...انا عاوزة حقي زيها
رفعت حميده حاجبها : من أمتي يابت بتقفي قدامي تقولي حقي
هتفت احسان بجرأه وهي تواجه عيون حميده : من دلوقتي ....هاتي فلوس ولا تحبي اروح لهادي الوكاله ولا بيته اخد منه ...!!
تعكرت ملامح ياسين هاتفا : ليه كده يا بت الناس
قالت وداد وهي تشيح بوجهها عن نظرات عتاب أخيها : اهو بقي اللي حصل يا ياسين .....التفتت له وتابعت : هو يعني كنت واقع في هواها.... انا اللي خطبتها ليك وهشوفلك الاحسن منها
بلاها اللي ورها كلام دي
تنهد ياسين وقال بعتاب :
ظلمتيها لما سمعتي من طرف واحد
قالت وداد بدفاع عن نفسها :
خوفت علي سمعتك... تاخد ليه واحده عليها قيل وقال!!
نظر هادي الي وصال قائلا : ايه ده يا وصال ...فين الاكل
قالت وصال ببساطه وهي تشير إلي الاطباق : ماهو قدامك ياهادي ... مكرونه وبانيه
قال هادي بعدم رضي : معرفش انا اكل الحاجات دي
رفعت حاجبها بعدم فهم : حاجات ايه ياهادي...ماهي فراخ ومكرونه
هز راسه قائلا بعدم اقتناع ؛مشبعش انا منها الحاجات دي .....امسك قطعه الدجاج ونظر إليها بامتعاض : دي فراخ ازاي .....كنتي عملتي جنبها دكر بط ولا دقيه باميه بحتتين ضاني ....
رفعت وصال حاجبها هاتفه :بط جنب ايه ....ده اللي بتقوله اكل لوحده
سحب هادي نفس ولم يطيل في الجدال ليقول وهو يضع الطعام بفمه : يلا نعمه ربنا تسلم ايدك
اشاحت وصال بوجهها وقالت بضيق متبرطمه :
تسلم ايدي ايه بعد كلامك
قال هادي بعتاب : وانا قولت ايه
التفتت له وهتفت بغضب محبب :
ابدا حسستني اني مجوعاك
غمز لها هادي بشقاوة بينما يمرر يداه علي ساقها من أسفل الطاولة :
هو من جهه مجوعاني فأنتي مجوعاني ونايم امبارح جعان ..!
قراءه ممتعه بقلم رونا فؤاد
ايه رايكم و توقعاتكم
أترك تعليقا لطيفا يذكرني بك