بساط السعاده مناقشه

 

مساء الفل ...عاملين ايه 

نتكلم عن الاول موقف مهجه ....الاراء اختلفت بس الغالبيه كانت قاسيه علي مهجه انا مش هقول مع أو ضد بس زي ما دائما بنتناقش اننا نبص من بعيد ونحط نفسنا مكان اللي قدامنا ....طيب بالنسبه لمهجه من الاول خالص غلطت في حاجه اه غلطت أنها

دخلت ابوها في حياتها وبالتالي ثمن التدخل ده كان انتهاء حياتها مع مهاب والسماح لابوها بالسيطره عليها ولو رجعنا للأول هنلاقي دياب الكبير قال لمهاب بالنص ..انا كنت مستني أنها تلجأ ليا واهي لجأت وبالتالي مواجهتك معايا انا !!

طيب كده دياب الكبير اتصرف زي اي اب بنته لجأت له يعني مش من نفسه طلقها من مهاب ...مهاب بقي مكنش زي هادي عنده طوله بال يراضي لا كرامته نقحت عليه وباع وكمان اخد بنته وله أسبابه ما علينا 

طيب هل دياب الكبير كان قاسي مع مهجه لا راجعوا الأحداث اه شديد بس دي طبيعه شخصيته وزيه كتير من الرجال الكبار سنا بنفس تنشئته 

طيب وصال لما رجعت هل دياب الكبير عاملها وحش بالعكس رحب بيها ولكن حصل خلاف ومشيت وهو واسي بنته لانه حد قوله بعد سنين استخسرت تقعد مع انها يومين 

طيب مهجه راحت تعزي وقعدت مع بنتها ودياب مكانش ممانع وفي الأصول خلونا نتكلم واقعيا ياجماعه ليه تقعد لوحدها طالما فيه بديل وجودها وسط أهلها انا عن نفسي قلبا وقالبا مع كده ده اللي اتربينا عليه طالما مفيش سبب قوي وفيه بديل مينفعش بنت تقعد لوحدها وبشدد مفيش سبب عندها أهل ومش معقول كلهم هيبسبوا البلد ويقعدوا معاها وهي نفسها اقتنعت وعرفت تنقل شغلها وحصل اللي حصل 

طيب هل دياب كان وحش لا بس دياب كان عاوز يسيطر علي الكل زي ما اتعود وطول ما وصال كانت في طوعه كان كويس بس هو عارف انها مش هتفضل كده كتير واستخدم هادي يسيطر عليها وطبعا مهجه لأنها اتعودت تقول اه 

طيب كل ده مهجه زي اي ام بظروفها 

لما عرفت وقفت مع وصال وسابتها تمشي وقالت لدياب ووقفت عاتبت ابوها حتي لو ده كل اللي تقدر عليه وصال مشيت ومفكرتش تقول لامها ومهجه معترضتش خالص علي الاقل هي اتفقت مع هادي ودياب بس امها لا وصدقوني الحته دي حاولت كتير اشوف ليها حل تاني في الأحداث ولكن كان المناسب لوصال أنها تمشي من غير ما تبص وراها وفي ضهرها دياب وهادي 

نيجي بقي لكلام دياب الكبير لما حصلت المواجهه اه قاسي بس مننكرش بيتكلم صح 

هادي عرض علي وصال تفضل في بيت لوحدها وعندها شغلها وكل حاجه هي محتاجه لها بس هي رفضت ورجعت تلومه أنه قسي عليها عرض كتير بس هي شايفه أنه حقها تكسر مناخيرهم وتحسس نفسها انها وبس صاحبه القرار لما راحت بيت ابوها وانا اللي كاتبه الشخصيه وعارفه أن كل الغرض أنها تثبت لنفسها ده وهنا نقطه فاصله وهي تحول الانسان بسبب العناد لشخص قاسي حتي علي نفسه 

يعني وصال عاوزة وجود هادي ودياب ومع ذلك رافضه تعترف تقوم تجرحهم وتعايرهم بغلطعم كل ما قلبها يحن طيب هما ذنبهم ايه ...بتعاقبهم علي احساسها عشان تثبت أنها مش حاسه بحاجه ولكن هي حاسه .... اللين ثم اللين ...وصال يا ابيض يا اسود وده تمام بس مش في المشاعر لا في الحاجات اللي لا تقبل جدل زي الحدود ولكن لو حد غلط واعتذر وحاول يصلح غلطه مفيهاش حاجه لو حسينا أن القلب صفي نسامح 

مهاب لآخر وقت مسامحش ابنه وده خلي دياب كمان ميسامحهوش ودي نقطه قصدتها 

فوات الاوان ...دياب الكبير عنده حق ولكن أسلوبه خطأ ووصال عندها حق وأسلوبها غلط ...مهجه سمعت كلام ابوها علي أمل أن وصال ترجع وقالت لابوها استنيت ومرحعتش يبقي هي كمان كان ليها وجه نظر زي بهيه برضه كلامها كان صح ليه تقعد وحدها طالما فيه بديل وقالت جدي أسلوبه غلط ودياب عارف أنه مطاوع وصال عشان غلطته في حقها يعني الخلاصه كلنا عندنا وجه نظر وأسباب ومبررات 

والحكم بيكون وفق لشخصيتنا ونشأتنا وظروفنا ..اه في بنات وزوجات بتقعد لوحدهم مش عيب ولا حرام ولكن دي ظروفهم وهنا وصال عندنا بدائل واعتقد واضح انها برضه مش مرتاحه لأنها بتجبر نفسها تحس انها عملت الصح وهي عملت الصح زي ما الكتاب بيقول بس مين قال إن ده مضبوط ما يمكن اللي اعمله والناس تنتقده ده اللي يريحني ووصال موقفه عقلها أنها متسامحش مع أن قلبها سامح 

علي فكره انا عشان انتي الفصل ده رجعت لفصول كتير زي وقت ما وصال عرفت الحقيقه وده خلي اني اقولكم عندها حق تزعل ومش اوفر خالص ولكن انتوا نسيتوا بس عشان الأحداث كانت بعيد فالبعض منكم شايف انها اوفر 

شايفين مهجه سلبيه بس ده حكم خطأ لأنها في المطلق ست بسيطه اتربت علي الأصول دياب قاسي اه ولكن برضه له حسنات واهو وقت ما احتدم الموضوع رمي لهادي شراكته عشان هو كان بس طمعان أنه يسيطر علي الكل مش الفلوس مش حابب إن هادي يكون له علاقه بعبد الباسط عاوز هادي زي دياب تحت أيده لانه الكبير

الحياه ابيض واسود في الغلط والصح ولكن في المشاعر والتسامح واللين والعفو عند المقدره واهو اقترنت كلمه العفو بالقدره يعني لو قادر تسامح وفي فرق كبير اوي بين حد بيغلط ويعتذر وحد يغلط ويزود غلطته 

شايفين وتيره الأحداث بتاخدنا من كره نانسي لحبها من نقد دياب لحبه من التعاطف مع وصال للحنق منها من كره هادي التعاطف معاه وهكذا هي الحياه مفيش فيها ثبات وقلوبنا بتتغير 

دي وجه نظري وهستني وجهات نظركم واخيرا ....بلاش بلاش موضوع ذكوريه وغيره والله دي كلها كلمات رنانه ولا ليها علاقه بالواقع ايه الذكوريه في ان حك يقول قاعده وصال وحدها مش مقبوله ماهي كده فعلا وحتي كمان قاعده ولد لوحده طالما فيه عيله مش مقبوله انا عن نفسي بحس التفخيم في كلمات مجمتع ذكوري وذكوريه ملهاش موضع لاني كست في المجتمع ده او غيره الحمد لله واخده حقي وكلما زادت رجوله المجتمع كلما زاد علو يعني رجوله بمعني غيره ادب اصول تفخيم تقدير وليس رجوله مجرد كلمه ومفيش راجل اعتقد هيرضي يسيب مراته في بلد تانيه طالما مفيش سبب ولو هادي عملها فده مؤقتا ومش هيقبل بالوضع علي طول ولو وصال أو اي حد في ظروفها مصمم يبقي تتطلق وتبقي وقتها مبلوعه 

طولت اوي ولسه هرغي عن بهيه نخليها في مناقشه تانيه 

مستنيه رايكم وطبعا كل واحد زي ما اتفقنا له رأي وجائز نختلف في الرأي ولكن كلنا متفقين علي احترام اراء بعض 

دمتم سالمين رونا