: اسمع بقي ياابني .... انا مش هتنازل عن مؤخر و لا قايمه لبنتي وبالمبلغ اللي احدده
حمحم بينما اتسعت عيون مريم ونظرت الي والدتها التي تابعت بنبره قاطعه : خد وقتك فكر وهستني ردك
تعالي صوت مريم دون أن تقصد أن يعلو فوق صوت والدتها : يا ماما انتي كده بتقولي أننا طماعين
ومخونين
اومات ورده بنبره قاطعه : مش طماعه بس مقولتش مش مخونه ...لازم احرص ومأمنش
نظرت إلي ابنتها وتابعت بمغزي : ولا ناسيه اللي قبله عمل فينا ايه
خفضت مريم عيناها للأرض بينما شقت الغصه حلقها : مش كل الناس زي بعضها
هتفت ورده باحتدام : واللي اتلسع من الشوربه ينفخ في الزبادي ....لو هو شاري هيوافق
قالت مريم بعتاب : كان نفسك اتجوز بأي طريقه
اومات ورده برفض لعتاب ابنتها : ومازلت ..... بس مع ده بالذات لازم احرص الف مره
نظرت إلي ابنتها واخفت وجع قلبها بينما تتابع بحزم : أما ينفذ شروطي وأما بلاها الجوازه من الأساس
نظر حازم إليه باستفهام : وانت قولت ايه ؟!
: معرفتش اقول ايه
قال حازم بنبره قاطعه : تقول لا ..... قايمه ومؤخر ارفض طبعا وشوف غيرها البنات كتير
قراءه ممتعه بقلم رونا فؤاد
ايه رايكم و توقعاتكم
دخلنا في مشاكل الجواز والمجتمع
مستنيه رأيكم في موضوع المبالغه في المهر والشبكه والمؤخر
ثانيا رايكم في القائمه
ثالثا رايكم في الشبكه والمؤخر والمهر بدون مبالغه
أترك تعليقا لطيفا يذكرني بك