: اه يا بنتي ....
نظر حازم الي سوسن وقال برفق : ادعيلها يا ماما توصل بالسلامه وكفايه عياط
هزت سوسن رأسها وازداد بكاءها قائله : سيبني يا حازم اعيط يمكن قلبي يهدي .....بكت أكثر وتهدجت أنفاسها بينما تتابع : قلبي واجعني اوي يا حازم
توقف حازم جانبا والتفت الي والدته بقلق : مالك يا ماما
وضعت سوسن يدها علي قلبها وقالت بألم : قلبي واجعني اوي يا حازم
نظرت سوسن بطرف عيناها تجاه ابنها ثم قالت تنعي نفسها : ما أنا خلاص بقيت لوحدي ....اموت ولا يحصلي اللي يحصل
قال حازم برفض : بعد الشر عليكي يا ماما ....أنا مش هسيبك لوحدك ابدا ....هاخدك تقعدي عندي
هزت سوسن رأسها قائله : لا أنا مش برتاح الا في بيتي
قال حازم دون تفكير : خلاص نقعد احنا معاكي
رحبت سوسن ولكنها تمسكت بنبرتها الواهنه بينما تقول بمكر : تنوروا يا حبيبي وتملوا عليا البيت ...بس مراتك هترضي
رمشت رنا باهدابها ونظرت تجاه حازم الذي قال بنبره لا تقبل الجدل : أنا قولت ورنا مش هتمانع طبعا
نظر إلي رنا وأشار لها بنظراته : مش كده يا رنا
نظرت زيزي الي ورده التي ختمت حديثها قائله : معلش بس انا بضمن حق بنتي
نظرت زيزي الي نورهان ثم الي نوح الذي صمت أمام مغالاه طلبات ورده ليس قبول تراه والدته بعيناه بل باب يهرب به ومبرر أنه فعل ما عليه وهاهي والده الفتاه من لا تتساهل
قراءه ممتعه بقلم رونا فؤاد
ايه رايكم و توقعاتكم
حازم محتاج يفهم الدنيا حواليه بجد
ردحذف