عمر من الاول شخص نرجسي وليس مستجد هذا الطبع فيه من اول سطر هو كده في تعامله مع أي توجيه أو نصيحه بغرور كده بتعامله مع ريم اللي هو مش عايزها بس متكونش لغيره ولو كانت يدمر حياتها هو كده بس محتاجين تقرب منه عشان نشوف مدي نرجسيته في انعكاس كل علاقه واكتر واحده هتبدا تحس بكده كل ما تقرب منه هي وسيله ....قدام هيبان العقده اللي اتشكلت جوه عمر من خوفه أن وسيله تبعد عنه والخوف ده هيحرك تصرفاته هيبقي عاوز يحسب عليها حتي النفس نوعا ما زي الخوف بتاع مراد أن جوري تتغير عليه وبالتالي اللي بيحركه خوفه ..
النرجسي بيحب اوي لدرجه التملك اللي تعميه عن أنه يشوف أن الطرف التاني له أي مساحه الا اللي بيحطها له ....كل الفصول اللي فاتت مجرد تمهيد لدخول عمر حياه وسيله وكل اللي جاي تركيز علي بدايه حياتهم وسيله في اقتباس معين كانت مخنوقه من علاقه عمر بيها مش كراهيه له بس عشان تصميمه علي علاقه حميمه يثبت لها فيها انها بتاعته في أي وقت ده اللي بدا يغير وسيله من ناحيته .... بيحبها اه وحب لدرجه هتصبح مرضيه ولكن لسه مش هيشوف كميه الاذي اللي هيقدمها ليها ولا هي هتشوفها ولاخر لحظه هتكون متمسكه بيه وبتبرر تصرفاته أنها حب .... كان حب اسود عمر بيحب همس بجنون بس عرف امتي يسيطر علي الحب ده قبل ما يأذيها ولكن للاسف عمر مش هيفوق دلوقتي خالص .... إذا كانت باقي الحكايات جنبه جذابه لغايه دلوقتي فده بيخدم الاحداث وعشان نقارن نوعا ما وسيله وغرام وجوري ومختلف مشكله كل واحده ولكن حكايه عمر بتاعه عمر نفسه هتبدا أحداثها تاخد منحني تاني متصاعد يكشف خبايا شخصيه عمر اللي كل حواليه فشلوا أنهم يفسروها مع أنه باختصار شخص يعيش وفقا لاهواءه ...بيحس ويمشي ورا إحساسه ...عمر ذكي اوي ومش فاشل بس هو بينجح وبيكون ذكي وقت ما يعوز زي حله قضيه ابو ثراء ولما فهم أن شافعي بيراقبوا ووصل لوسيله عمر مش محتاج يثبت لحد أنه كويس ولا طيب ولا ناجح عشان الوحيد اللي بيحاول يرضيه هو نفسه فقط منتهي الايثار وجب الذات لنفسه عكس وسيله اللي عندها منتهي الايثار وتفضيل غيرها علي نفسها واولهم عمر ... عاصم كان نرجسي ومازال ولكن بحدود لانه عارف لو ترك الزمام لنفسه هيأذي اللي حواليه زي ما اذي زينه وبالتالي نرجسيته تحولت لهيمنه وسيطرة ضمن تحكمه فيها بوجود توجيه من زينه من غير ما تحسسه أنها بتوجهه
وعاصم بدري اوي زينه اكتشفت شخصيته وهو استسلم أنها كشفته وبادر بالتغير عكس وسيله اللي لسه مش شايفه من عمر الا حكايته اللي بيحكيها من وجهه نظره
زينه وعاصم وسيف وأيهم ليهم دور في حياه عمر ولكن هو مش بيسمح ليهم الا بالحدود اللي هو عاوزها
وسيله هتغير عمر ده سؤال اكيد كلنا فكرنا ليه ....اه بس امتي لما تحطه قدام مرايه نفسه وتخليه يشوف عوار شخصيته
عمر هيخسر وسيله سؤال تاني خليني اقول هيخسر حبها وقبل كل ده هيخسر طيبتها اللي هتتحول لوحش عاوز ينتقم منه
عمر هيصعب علينا ...اه وجدا كمان لما نشوف كل الجبروت ده بينهار ...مستنه رايكم في الأحداث ..
دمتم سالمين
طيب وربنا يا رونا انا مستنيه انهيار عمر وهفرح فيه كمان
ردحذف