بصعوبه جاهد ليتحكم في مارد غضبه هاتفا من بين أسنانه : وسيله انا مش عاوز اتكلم واتناقش ....قولت كلمه نفذيها وخلاص من غير جدال
نظرت له برفق وحاولت امتصاص غضبه الغير مبرر : اكيد يا حبيبي هنفذ كل كلامك بس انا بقولك مفيش حاجه حصلت مستدعيه عصبيتك دي
بدأت اعصابه تنفلت ليزمجر بها : انا اللي أقرر ايه مستدعي ولا لأ وانا قولتلك الموضوع ده بالذات بيضايقني يبقي متعملهوش تاني
قالت وسيله ببساطه : يا حبيبي ما انا بقولك محصلش حاجه تستاهل انك تتضايق ...ده مجرد زميل ....ماتت الكلمات علي شفتيها باللحظه التي شعرت بارتطام ظهرها بالحائط خلفها حينما اندفع عمر ناحيتها بغضب اهوج يقبض علي ذراعيها بعنف صارخا بعصبيه مخيفه : قولت مفيش حاجه اسمها زميل ولو شوفتي اي حد اياك تفكري تبصي له مش تسلمي عليه ...فاهمه
رمشت وسيله باهدابها بينما شقت الدموع طريقها الي حلقها غير مستوعبه ذلك الوجه المخيف له دون سبب
لتبتلع بخوف فجاه دب في أوصالها لاول مره منه بينما يزجرها بنفس النبره المخيفه : انطقي ...فاهمه !
خوف كبير من فقدانها تغلغل بكيانه فأصبح يطوقها بوجوده وكأنه يريد أن يغلق عليها صندوق مخملي لايكون اي احد بالقرب منها ليبدء ذلك التمسك المرضي بها بالظهور وهاهي نرجسيته تلوح في الافاق وليتها قرأت ما يلوح لها
عمر بدء وشه التاني يبان ...قراءه ممتعه بقلم رونا فؤاد
ايه رايكم وتوقعاتكم
العب 🔥🔥
ردحذفربنا معاكي ي أخت وسيلة 😔😔😔
ردحذفانا بدأت اخاف من عمر 🙆🙆
ردحذفوسيله صعبانه عليه كل شويه بتتنازل بطيبتها علشان عمر
ردحذفعمر أتغير ربنا يستر على وسيله
ردحذفشخصية عمر صعبة وفعلا الحياة معاه حتتحول لجحيم .. وسيلة صعبانة عليا مراية الحب عامية للاسف
ردحذفعمر شخصيه فيها كتير من الانانيه مع ان فيه صفات جميله كتير بس حبه لذاته اكتر حتى يمكن بيشبه مراد ف انانيتهم وحبهم لنفسهم جدااا
ردحذفعمر حيخربها
ردحذف