حكايه عمر اقتباس

ازدادت عقده جبين عمر وهو يساير الرجل : اهلا ...أأمر يا باشا اخدمك بأيه 

حمحم الضابط بحرج قبل أن يقول : الأمر لله ...هو بس احنا محتاجين سيادتك تشرفنا ....قبل أن يزداد استفهام عمر كان الضابط يلخص ما حدث : مشكله صغيرة حصلت للمدام وهي عندي في القسم ....فغر فاه عمر وبصعوبه حاول جذب الكلمات من شفتيه : مدام ....المدام بتاعتي 

اوما الضابط متابعا لاعفاء عمر من الحرج : متقلقش يا باشا المدام قاعده في مكتبي معززة مكرمه ومفيش اي حاجه ..

تحركت اقدام عمر تسبقها أنفاسه الساخنه وتسبق كلاهما سرعه سيارته التي سابقت الريح والف شيطان يرقص أمام عيناه .... مجددا تتركه وتغادر أو بالاحري تهرب منه ....!

.....

...

عقدت حاجبيها باستفهام وهي تنظر إلي شهد التي ركضت امامها ومالت علي الطاوله الرخاميه الموضوعه بوسط الغرفه تحمل ما فوقها من فازات كريستاليه 

: بتعملي ايه ياشهد ؟!

قالت شهد سريعا وهي تحتضن تلك الفازات بين ذراعيها : بشيل الفازات اصل جوز مدام جوري كل ما يجي يكسر حاجه 

كتمت زينه ضحكتها وهي تضم شفتيها وتحاول أن تتخلي بالجديه وهي تزجر شهد : بنت ...رجعي الحاجه عيب 

هزت شهد راسها قائله بخفه ظلها المعتاد : لا يا مدام زينه ...اسمعي كلامي وخليني اشيلهم ...ده اخر مره كسر كوبايه من طقم البهيمه اللي بتحبيه 

لم تستطيع زينه السيطرة علي ضحكتها وهي تصحح لها : اسمه بوهيمي 

اشاحت شهد بوجهها : اهو الطقم ده كسر الكوبايه بتاعته ...يلا انا هجري أشيل اي حاجه في سكته وبعدين متقلقيش هما عارفين انكم عندكم تحف غاليه 

هزت زينه كتفها ضاحكه : والله ما في تحفه غيرك ... امشي 

.....

....

 وضعت غرام القهوه أمام ايهم الذي قلب الصحيفة الي الجهه الأخري وتابع قراءتها دون أن يرفع عيناه ناحيتها لتنظر له غرام لحظات قبل أن تسأله : انت بتقري جرايد 

اوما ايهم : اه 

نظرت إلي عيناه التي مازالت تتابع تلك السطور الصغيرة : ليه ؟!

ترك الصحفيه من يده ونظر إليها باستفهام : ليه ايه ؟!

هزت غرام كتفيها وقالت بتلقائيه : هو في حد لسه بيقري جرايد  

قال ايهم وهو يمرر يداه علي عنقه الظاهر من فتحه قميصه : اصلي راجل قديم

هزت غرام راسها سريعا بينما غابت عيناها في تأمل وسامته الزائده بانبهارها المعتاد : مش قصدي 

رفع عيناه إليها قائلا : امال قصدك ايه؟!

خفضت غرام عيناها قائله بإحباط بينما عجزت عن قول ما أرادت قوله : ولا حاجه ...عاوز حاجه تاني مني ؟

هز ايهم رأسه ونظر الي تلك الكلمات التي مازالت بعيونها والتي مؤكد أتت لتقولها متخذه إحضار القهوة التي لم يطلبها حجه : انتي عاوزة حاجه ؟ 

عضت علي شفتيها وهزت راسها بكذب واتجهت الي الباب ليوقفها ايهم : استني 

التفتت له طائعه : نعم 

قام ايهم من مكانه واتجه إليها قائلا : قوليلي عاوزه تقولي ايه 

قضمت شفتيها مجددا ليتوقف ايهم امامها يتطلع الي شفتيها التي تأسرها اسفل أسنانها تعض عليها بهذا التوتر فتكون شفتيها الضحيه ليرفق بها ويمد يداه بنعومه يحررها من أسر أسنانها ويقول بنبرته المخملية بينما يميل تجاه شفتيها يلثمها برقه هامسا: قولي 

خلب أنفاسها كعادته لتنظر بخجل الي يداه التي تحركت فوق شفتيها وسرعان ما تخفض عيناها الي الأرض تسأله بنبره طفوليه بسرعه قبل أن تفقد شجاعتها 

: انت مش بتعمل كده ليه طول اليوم 

عقد حاجبيه باستفهام وهو ينظر إلي عيناها التي تخفضها : مش فاهم 

احمرت وجنتيها ولكنها ارادت اجابه عن السؤال الذي لايتوقف عن التردد برأسها ويعكر سعادتها لتقول بتعلثم وهي تحاول شرح ما تشعر به : يعني مش بحس انك بتكلمني أو ...او يعني ...يعني قصدي اني بحس طول اليوم قدام البنات اننا زي زمان وبليل لا 

فهم ايهم مقصدها ليجيب بتلقائيه: هبوسك قدام البنات يعني 

عضت علي شفتيها بخجل وهزت راسها : لا لا مش قصدي بس ...بس يعني هو احنا مش زي اي اتنين متجوزين نقعد نتكلم مع بعض 

قال ايهم وهو يهز كتفه : ما انتي بتتكلمي اهو معايا 

زفرت بينما لا تستطيع إيصال وجه نظرها له بأنها طوال اليوم تشعر وكأنها غريبان وبالمساء حينما تذهب الفتيات للنوم يكون زوجا لها مما جعل شعور سيء يراودها ويعكر صفوها الذي تعيشه منذ أيام برفقته لتقول بتبرير : 

أيوة بس عشان أنا جيت اكلمك .....

رفعت عيناها اليه وسألته ببراءه : انت بتستعر مني ؟!

عقد ايهم حاجبيه بقوة مستنكرا : ايه اللي بتقوليه ده ؟!

مجددا عضت علي شفتيها وخفضت عيناها الي الأرض بينما تحاول شرح ما تريده : يعني انت مش بتكلمني كتير قدام البنات وحتي ..حتي يعني انا لما بصحي بجري بسرعه برا اوضتك عشان البنات متشوفنيش 

فحسيت كأني بعمل حاجه غلط 

قال ايهم وهو يهز كتفه : انتي اللي بتعملي كده مش انا ...خليكي نايمه جنبي انا ممنعتكيش وفكره اني مش بتكلم معاكي كتير جايز مش بيكون فيه مناسبه بس انا بتعامل معاكي عادي جدا ومش مستعر منك زي ما بتقولي يا غرام وبطلي هبل 

تراقصت دقات قلبها لتجتاح الابتسامه وجهها وهي تنظر لها بسعاده طفله : يعني ....

تراجع ايهم بها بضع خطوات للخلف لتلتصق بالجدار خلفها ونظر الي حمره وجهها قائلا بعبث : يعني انا لسه مفهمتش انتي عاوزة ايه ..قرب وجهه من وجهها أكثر وبدأت أنفاسه تداعب وجنتها الناعمه بينما تراقصت النظرات الراغبه في عيناه وهو يتابع بهمس : عاوزاني اعمل كده 

مال تجاه شفتيها لتغمض غرام عيناها بابتسامه حالمه تستقبل قبلته التي لم تكد تلامس شفتيها حتي فتحت عيونها علي وسعهما ودفعته من امامها واسرعت تغادر حينما تعالي صوت حلا تنادي عليها : غرام !

قراءه ممتعه بقلم رونا فؤاد

ايه رايكم و توقعاتكم