حكايه عمر اقتباس

 

ده سجن مش بيت .....حتي السجن بيكون المسجون عارف هو

فيه ليه.... عارف نفسه وعنده حد جايز يسأل عنه إنما أنا في سجن معرفش ليه....في السجن ده طول الوقت لوحدي ماليش اي حد 

اهتزت نظرات عمر باستنكار : انا سجنك 

نظرت له وسيله باستفهام تعرف إجابته : امال انت ايه ؟! ...قبل أن يقول شيء كانت تتابع بتحذير : اوعي تقولي انك جنبي ولا بتحبني ولا اي حاجه من دي مبقتش اصدق خلاص 

ازدادت نبرتها حده وهجوما وهي تتابع : انت بتيجي لما تكون عاوز تكون جنبي مش لما اكون انا محتاجه ليك 

نظر لها بعتاب : بقيتي بتشوفيني وحش زيهم 

أمسكت وسيله لسانها بصعوبه واشاحت بوجهها حتي لا تجرحه باجابتها أنه بالفعل يستحق أن يكون بتلك الصورة التي يراه بها الآخرون لينظر لها عمر بأسي : للدرجه دي ؟!

قالت وسيله بمراره دون أن تنظر إليه : انت وصلتني لكده 

لم ييأس من عتابها : تاني بتلوميني زي ما لومتيني في موضوع جدتك 

هتفت وسيله بأسي : قولتلك بلوم نفسي وزعلانه من نفسي انت مضربتنيش علي ايدي عشان ارضي بالذل ده 

اتسعت عيناه بينما تأخذه من مفرد الي اخر جديد في قاموسها : ذل ؟! 

نظرت له وسيله وهزت راسها : اه ذل.... انت شايف حالتي ايه انا ايه اصلا ...انا كنت ايه وبقيت ايه 

انا اتخليت عن كل حاجه حلوة في حياتي 

كلامها لاذع لا يحتمله ليتهرب منه بالاستنكار وهو ينظر إلي عيونها بعتاب يسألها  : مقابل ايه ....

اتخليتي عن حياتك الحلوة قبلي مقابل الذل زي ما بتوصفي حياتك معايا ده اللي عاوزة تقوليه ؟! 

اشاحت بوجهها مجددا ليكور عمر قبضته ولا يجد ما يقوله بينما تجددت بداخله عقده النبذ والنقد 

: سكتي ليه ؟! 

هزت كتفها : اقول ايه 

زجرها بسخط : قولي سبب كل كلامك 

قالت وهي تشيح بوجهها : مالوش سبب... انا قولت اللي حاسه بيه 

نظر إليها برفق قائلا : حقك انا عارف اني جيت عليكي كتير ...وضع يده فوق ذراعها ليستشعر الجفاء وهي تبعد ذراعها ليحاول أن يبتع ما تفعله اسفل إنكاره وتمسكه أن غضبها سيمضي لو عوضها بتعويض مناسب 

ليقول بإقرار مجددا :  حقك ومقدرش اقول حاجه انتي اتحملتي كتير ... بس خلاص كل ده هيتحل ....انا هكلم ..قاطعته وسيله ولاول مره لا تريد سماع هذا الوعد الذي وعدها به كثير : مفيش داعي 

عقد حاجبيه باستنكار شديد:  يعني ايه ؟!

نظرت له بثبات قائله : يعني خلاص ياعمر انا مش عاوزة اي وعود مش هتنفذها

: هنفذها 

هزت راسها : برضه مش عاوزاها 

نظر لها باستفهام ممزوج بالتوجس من اجابتها : امال عاوزة ايه ؟! 

استصعبت نطقها بالرغم من أن عقلها أصبح يغلب قلبها ويريدها لتصوغها بطريقه أخري : عاوزة حياتي زي ما كانت قبل ما تظهر فيها ....عاوزة اكون انا زي ما كبرت واتعودت عاوزة مستناش حد يا يجي أو ميجيش عاوزة ارجع شغلي وعاوزة ارجع بيتي وعاوزة ارجع لحضن جدتي اللي مهما تطردني هفضل احاول عشان هي كان عندها حق

..... الكذبه الصغيرة حولت حياتي جحيم 

غص حلقه بقوة وهو يسألها : جحيم للدرجه دي بقيتي تكرهيني 

قالت بإقرار : مش بكرهك بس بقيت اكره الحياه اللي انا عايشاها 

معاك

قراءه ممتعه بقلم رونا فؤاد

ايه رايكم و توقعاتكم

وسيله خلاص عاوزة تخرج من حكايه عمر ياتري هو هيسيبها !!