نظر عمر الي ابيه بانتظار إجابته التي طالت ليسأله عمر مجددا : ايه يابابا معقول طول حياتكم مزعلتهاش زعله جامده
هز عاصم كتفه بينما يتراجع بظهره الي الخلف ليجلس باريحيه قائلا : طبعا زعلتها
اوما عمر بلهفه : صالحتها ازاي بقي ؟
مجددا هز عاصم كتفه : عادي ...بنتخانق ونتصالح
زفر عمر هاتفا : يابوب مش قصدي الخناقات العاديه انا بتكلم عن كارثه زي اللي انا عاملها
حك عاصم ذقنه وتهرب بمشاكسه : اكيد معملتش كوارث زيك
ضيق عمر عيناه بمكر : ياعاصم .... امال انا جايب الجينات دي منين
ضحك عاصم بينما غامت عيناه بالذكريات التي كانت وقتها ذكريات شجار وجفاء ولكن مابقي منها هو حلاوة اللقاء مجددا ليوكزه عمر بكتفه بمرح : آيوة قولي بقي المشكله اللي سرحت فيها دي صالحتها وقتها ازاي
تنهد عاصم قائلا بحنين بينما لاحت ابتسامه علي طرف شفتيه وهو يقول : سميت مدينه علي اسمها وكتبت ليها نص ثروتي !
اتسعت عيون عمر وسرعان ما لمعت بالأمل ليقول بثقه : سهله اهي ....مال علي أبيه وأخذ يضبط له ربطه عنقه بينما يتملقه قائلا : ايه رايك بقي في اسم وسيله عشان مدينه الساحل الجديده ....نظر إلي أبيه وحك ذقنه بينما يتابع بثقه : وبلاش نص خلينا نقول الربع
ضيق عاصم عيناه والتفت الي عمر : نص ايه وربع ايه
جذب ربطه عنقه من يد ابنه وتابع : لا ياحبيبي راجع انا قولت ايه ....نص ثروتي يعني لما تحب تصالح مراتك تصالحها بثروتك انت
تملقه عمر بينما يحتضنه : وانا ايه وانت ايه ياسيوفي ...واحد
أبعده عاصم عنه وهو يخفي ضحكته : لا ياابن السويفي احنا اتنين ...اجري يلا متعطلنيش
ضيق عمر عيناه ونظر الي ابيه : ماشي ياسيوفي
نظرت وسيله إلي عمر الذي مد يده إليها ببعض الرزم الماليه باستفهام : ايه ده ؟!
قال عمر وهو يبتسم ببلاهه : نص ثروتي... عشرين ألف جنيه بحالهم ....خديها ونتصالح !
وقف مكانه بينما دوي بأذنه صدي انغلاق الباب بوجهه ليحك ذقنه ويدق مجددا هاتفا من خلف الباب : طيب خدي الاربعين كلهم ياسيلا
قراءه ممتعه بقلم رونا فؤاد
عسل عمر حيرتني معاك يا رونا بارت عوزة عمر يتبهدل والى بعده يصعب عليا عاصم وبس هو الخلاصة تسلم ايدك
ردحذفلا احنا كدا مش تمام دا بسهوله ضحك علينا وهنسامحه امال وسيله تعمل ايه 🤣🤣
ردحذفبحب النهايات السعيدة كفايه البؤس اللي عيشينه
ردحذفبرافوا وسيله
ردحذفدمه خفيف المضروب اومال انا بحبه ليه😂😂😂😂
ردحذفحقيقى دمة خفيف ابن السيوفى متشوقة للباقى يا رونا دايما مبدعة
ردحذف