قال هادي بتخلي : قولتلك ياحاج مفيش فيا دماغ لشغل
احتدمت نبره دياب الكبير ليهتف بسخط ووعيد :
بشوقك لو هتقعد زي الحريم تندب حظك بس يكون في علمك الخساره دي أنت هتتحملها لوحدك
قال هادي دون جدال : اللي تشوفه ياحاج
هتف دياب الكبير بغضب : يا هادي انت هتجنني يابوي ....طيب طالما اللي اشوفه يبقي تشوف شغلك وحالك ومالك
فتح هادي فمه : ياحاج ...قاطعه دياب الكبير بانفعال :
مفيش كلام بعد قولي وصال مهياش عيله صغيرة تلاقيها مدسوسه عند حد من معارفها ومسيرها ترجع
قال دياب الكبير بوعيد : حسابها عسير علي عملتها ولو انت مش قادر تحاسبها احاسبها انا
قال هادي برفض : مين اللي يحاسب مين يا حاج ...هي اللي ليها حق
صاح دياب الكبير بسخط : كسر حقها ....ال حق ال ....هترجع بيت جوزها ورجلها فوق رقبتها
رفض هادي هاتفا : بس ياحاج
قاطعه دياب بسخط: مفيش بس ولا معدتش عاوزها
هز هادي رأسه قائلا : لا طبعا ياحاج بس هي زي ما انت شوفت كانت مصممه علي الطلاق
هتف دياب الكبير باحتدام : معندناش طلاق وانا قولت كده ومحدش يراجعني
: أيوة ياحاج بس انا مش هغصبها ترجع ولا عاوزك انت تغصبها كمان ... كلامها الاول والاخير هو اللي يمشي زي ما دياب قال وانا مش عاوز عداوة بيننا
زم دياب الكبير شفتيه بسخط وهتف : مفيش قول بعد قولي ودياب بيسمع كلمتي ....هو انا عمري خلفت كلمتي معاك مش قولتلك قبل سابق هجوزهالك وحصل
زفر وتابع: يا هادي ايه الي جرالك وليه كلامك بقي ماسخ كده ...تقولي اللي هي عاوزاه وكلامها يمشي ...انت كنت قاتل نفسك عشانها دلوقتي جاي تتحجج بدياب وكلمتين قالهم عشان يراضي أخته ..قولي لو معدتش عاوزها وقتها يبقي في كلام تاني
قال هادي بصدق : لا ياحاج انا مش عاوز حاجه في حياتي زيها وانت عارف بس انا مش عايزها ترجع ليا غصب عنها وعشان كده لما ترجع انا مش عاوزك تغصبها علي حاجه وانا راضي باللي تقوله
زجره دياب الكبير : يا واد ده دلع حريم يعني تراضيها بحتتين صيغه وكلمتين حلوين هو انا اللي هعلمك
كل عقلها عشان تسايسها وابنك يفضل في حضنك ولا عاوزها تركب دماغها بعد ما تلاقيك مفرط فيها وطري كده قدامها وتروح بقي تقعد في بيت ابوها
وتجيب لينا العار بقعدتها وحدها وتبقي سيرتنا علي كل لسان وحتي لو شيلت مخي الصعيدي وقولت تقعد هيجي ليك قلب تسيبها لحالها طيب افرض العيل ولا هي تعبت ولا جري ليهم حاجه
هدل هادي كتفيه بيأس ليتابع دياب :
كلمه طلاق مسمعش انك مطاوعها فيها ولو علي قلبك الحنين انا أشد عليها وانت ترخي وهترجعلك في الاخير من اللي هتشوفه ويل مني !
تواجهت نظرات احسان بنظرات وصال التي قالت بهدوء شديد
: فكراني هقوله اللي عرفته !!
نظرت لها احسان بتوجس لتتابع وصال بشماته في هادي بينما تبدلت الأدوار وهاهو يشرب من نفس الكأس دون أن يدري
لتخرج كلماتها بارده محمله بكراهيه لم تعهدها بنفسها وشماته استعذبت وقعها عليها وأصوات كثيره عاليه بداخلها تخرس هذا الصوت المستنكر وتزداد علوا وجهرا أنه ثأرها وهاهي تراه بعيناها: بالعكس ميفرقش معايا أقوله ولا افوقه خليه كده نايم علي ودانه
زي ما عمل معايا
زمت شفتيها وتابعت بحقد : هو فعلا يستاهل واحده زيك في حياته عشان تاخد حقي !
قراءه ممتعه بقلم رونا فؤاد
ايه رايكم وتوقعاتكم .
بصراحة وصال مزوداها واسلوبها وحش وبتتعامل بغل كأن هادي ما قدمش ليها اي حاجة
ردحذفوبتقول ان كل اللي كانو بيعملوه هو او
اخوها علشان ما تعرفش مش حب تمام وهم خايفين ليه تعرف إلى خوف علي زعلها و ردة فعلها ما اعترضناش انهم غلطانين بس زعلها وحش في اسلوبها عارفة وتصريح
انا لو مستفزني هادي علشان مش راضي يسيبها ومتمسك وهي بتذله يحفظ كرامته ويبعد لما بقول وصال مزوداها مش علشان مش عندها حق بس علشان في الواقع بحس ان الست بتسامح طول ما الحب موجود طول ما الرجل بيبقي شاري وبيحاول يراضي طول ما الست لسة ما هانتش
مشكلة هادي ان تفكيره كله كانت ع الغاية ما فكرش في شرعية الوسيلة يعني لما فكر في خناقة شغلها كأن كل تفكيره ازاي يمنعها تعيش لوحدها ولما عرف انه اذاها كأن زعلان اكتر منها ما حاولش يقف قصاد شغلها وفتحلها العيادة حاول يعمل كل حاجة تسعدها
اللي مضايقني انها طريقتها في التعبير عن زعلها مش انها تزعل وانها ما بتحاولش تفتكر لهادي اي نقطة في صالحه تخليها تبطل حتي كلامها اللي زي السم حتي لو هتبعد تفكر بهدوء حتي ويوصلو لاتفاق انها تقعد في مكان يتفقو عليه ويبقي مطمن عليها لكن كله رفض وتصريح وعند بصراحة اوفر
وصال قاسية اوى معقول هاتسكت على احسان وتساعد علشان يجى طفل مشوة علشان تشمت فى هادى كدة مفرقتش عنهم فى الغل
ردحذف