أدارت وصال وجهها بعيدا عنه بينما تقول : انت عملت اللي عليك وزياده بلاش تلوم نفسك
غص حلق هادي وهز رأسه قائلا : معملتش .... لو عملت كنتي هتسامحيني
قالت بإصرار وثبات علي موقفها : عملت ياهادي بس انا اللي مش قادره اسامح
قال هادي بعتاب حار : انتي مش عاوزة يا وصال مش مش قادره
قالت بحزم : بالنسبه ليا الاتنين واحد
هز رأسه قائلا بخزلان : حيث أنك واخده قرارك ومش هتغيريه بصي في عيني وقولي ليا انك مبقتيش عاوزاني
رفعت وصال عيناها إليه ببطء واستجمعت شجاعتها التي لم تهرب منها يوما طالما أدركت ما تريد لتقول بثبات هز قلبه وزلزل عالمه : انا مش عاوزة اكمل حياتي معاك بعد ما كذبت عليا ...مش عاوزة اتجاوز عن خداعك ليا ...مش عاوزة اكمل حياه بدأت علي كذب ....مش عاوزة اكمل معاك عشان ده المفروض ...عاوزة اختار حياتي وقراراتي من غير ما حد يأثر عليا ....التقت نظراتهم لتختم حديثها بنفس حزم بدايته : ده اللي انا مش عاوزاه يا هادي
قراءه ممتعه بقلم رونا فؤاد
ايه رايكم و توقعاتكم
أترك تعليقا لطيفا يذكرني بك