هو انتي مش بتروحي زي بهيه للدكتورة كل اسبوعين تلاته ياوصال
اومات وصال اه
عقد حاجبيه باستفهام : بتروحي مع مين
غص حلق وصال وقالت ببساطه مزيفه لوحدي
ازدادت عقده جبين دياب وهتف باستنكار : لوحدك... ليه يا حبيتي وهو هادي فين ....ليه ميكنش معاكي
هو مش ابو اللي في بطنك وحقك يكون معاكي
تنهد وتابع بمرح : ده انا بقيت امشي علي كلام الدكتورة وأشوف بهيه تاكل ايه وتشرب ايه والدوا والفيتامين امتي
ابتسمت وصال لهذا التغير الواضح بشخصيه أخيها الذي ضحك وتابع : ده انا بقيت اعرف يعني ايه هرمونات
ضحكت وصال وهي مازالت تمرر يدها فوق بطنها : وطلعت ايه ؟!
ضحك دياب قائلا : موضوع واعر قوي يا وصال .....فهمت أن عادي الأقي بهيه تبكي لحالها وتضحك لحالها وكمان تهب زي الوابور من غير سبب اتاريها الهرمونات
ضحكت وصال وكذلك دياب الذي ختم ضحكته متنهدا بضيق وحزن بينما يقول : مالوش حق ابدا هادي يسيبك وحدك ....ازدادت نبرته احتدام بينما يتابع بوعيد : انا ليا معاه كلام بس لما يرجع من سفره بالسلامه باذن الله ومعادش يسيبك وحدك تاني تروحي للدكتورة
اهتزت نظرات وصال وقالت بثقل : سافر ؟!
عقد دياب حاجبه وقال باستفهام : سافر العمره ....انتي متعرفيش
غص حلق وصال وشعرت بالدموع تجري بحلقها : لا
زم دياب شفتيه وتنهد قائلا : عتبي عليه هيكون شديد اوي
قالت وصال بدفاع عنه وهي تمسك بدموعها : لا يا دياب ...انا عمري ما قولتله يجي معايا الدكتور هو مالوش ذنب
اوما دياب وقال بتسويف : لما يرجع أن شاء الله نشوف ..!
لا يا هادي مش هيحصل ....ازاي ادخل وأيدي فاضيه
قال هادي بتعجل: بعدين يا امه
هزت حميده راسها وقالت بإصرار : لا يمكن يا هادي ... هتاخدني اجيب دهب ....اومات وكررت بإصرار :
لازمن اجيب دهب لحميده الصغيره
توقف هادي مكانه والتفت الي والدته رافعا حاجبه : حميده ؟!
اومات حميده وضحكت بينما تنظر لعيون ابنها : الصغيره !!
مال هادي علي إذن والدته وهمس لها : امه ...بلاش تجيبي سيره حميده الصغيره دي قدام وصال ...
نظرت له حميده ورفعت حاجبها ليهز هادي رأسه برجاء : دي لسه والده
أترك تعليقا لطيفا يذكرني بك