بساط السعاده اقتباس

0

أقوله ايه بس يا امه 

: لا يا هادي البت اكلت دماغي سايق عليك النبي كلمه 

رفع هادي حاجبه وهتف باستنكار : اكلمه أقوله ايه يا امه ؟!  ماهو الواد شافها علي كلامك كذا مره ولو كان فيه قبول كان طلبها 

هزت حميده راسها وقالت بجديه : لا وهو هيرفع عينه في أهل بيتك تلاقيه مكسوف 

قال هادي برفض : مفيهاش كسوف ....عشري انا مربيه وعارفه وهو مش في دماغه يتجوز 

: ليه بقي هيعيش راهب ....ربتت علي كتف ابنها وتابعت في محاوله إقناعه : 

اسمع كلام امك .... دي بت غلبانه ويتيمه 

قالت وصال بهلع : أهلها ماتوا !!

هزت حميده راسها قائله : لا كفا الله الشر 

نظرت لها وصال باستفهام : امال يتيمه ازاي 

لوت حميده شفتيها وهتفت : اهو انا معتبراها يتيمه عشان اخد الثواب ...نظرت بطرف عيناها تجاه وصال وتابعت : ماعلينا يا مرات ابني 

عادت تتطلع الي هادي وتابعت ؛  البت لهلوبه وبتعرف تطبخ إنما ايه 

ضحك هادي قائلا باستنكار : ويعني يا امه هتيجوزها عشان تطبخ له

اومات حميده هاتفه : وماله امال هيتجوزها ليه 

ده اول حاجه الراجل يشوفها طبيخ البت ....

امال ... 

ده انا ابوك اول ما داق طبيخي طلبني من ابويا...

ابتسمت وتابعت تحكي تلك القصه :  ماهو انت عارف انا وهو كنا ولاد عم وكان معزوم من عندنا وانا اللي طبخت هو داق بس مني دقيه الباميه و قبل ما يروح كان متكلم عليا 

ضحك هادي قائلا : بقي ابويا اتجوزك عشان اكلك 

اومات حميده بتأكيد : امال هو الراجل يتجوز ليه الا عشان مراته تملي بطنه والست اللي بتعرف تطبخ لازمن تقعد في قلب جوزها وتربع 

نظر هادي بطرف عيناه تجاه وصال بعفويه 

لتهتف حميده هامسه :  لا انت حالك غيرهم وقعدت في قلبك وهي و لا بتعرف تطبخ ولا حاجه 

ضيقت وصال عيناها وسالت حميده : 

بتقولي حاجه يا طنط 

هزت كتفها : ابدا 


مالت وصال تجاه حميده وقالت وهي تخفي غيظها : علي فكره انا فهمت قصدك 

رفعت حميده حاجبها : قصدي 

اومات وصال وهتفت : اه انتي بتلمحي اني مش بعرف اطبخ وانا فهتمك واهو بقولك عشان منرجعش نشيل من بعض 

زمت شفتيها وتابعت : ولعلمك بقي انا بعرف اطبخ كويس جدا 

اخذتها الجلاله بينما تتابع : ويمكن احسن منك كمان 

رفعت حميده حاجبها وضحكت باستنكار : احسن مني 

اومات وصال بغرور محبب : اه ..انفلت لسانها بينما تتطلع تجاه ممر الغرف حيث ذهب هادي لتتابع : 

حتي اسالي ابنك كان بيحب الاكل من ايدي 

قالت حميده بإقرار وهي تبتسم : ابني بيحبك وكان بيأكل اي حاجه من ايدك إنما تقولي بتطبخي احسن مني لا فدي معلش بقي يا مرات ابني ....ده انا ابني كان طول بعرض شوفي خس ازاي بعد ما اتجوزك 

اتسعت عيون وصال قائله : 

يعني أنا خسسته .... ايه جوعته 

قالت حميده بمشاكسه : اهو كان اكلي مخليه ازاي واكلك مخليه ازاي 

احمرت وجنه وصال لتهتف بغيظ : طيب لما يرجع نسأله ونشوف اكل مين احسن 

قالت حميده بثقه : وماله 

احتقن وجه هادي بالغيظ وتبرطم : شوفوا مين هيطلع ليكم عشان تسألوه 

قراءه ممتعه بقلم رونا فؤاد 

ايه رايكم و توقعاتكم 




 

إرسال تعليق

0 تعليقات
كن حذرا لتعليقكك علي موضوعنا 'لان هناك مشرفين قائمين علي التعليقات....

أترك تعليقا لطيفا يذكرني بك

أترك تعليقا لطيفا يذكرني بك

إرسال تعليق (0)

#buttons=( أقبل ! ) #days=(20)

يستخدم روايات رونا فؤاد ملفات تعريف الارتباط لتعزيز تجربتك. لمعرفة المزيد
Accept !