حلقات القيد الذهبي ...اقتباس

: خديه....اتفضلي !

اتسعت عيون شيرين وهزت رأسها باستفهام : اسفه مفهمتش 

لتكرر ماس جملتها بحنق اكبر وهي تعلي صوتها : ايه اللي مش مفهوم في كلمتين قولتهم ...بقولك خديه....مش هو عاجبك خديه!!

رمشت شيرين باهدابها بينما لاح التوتر علي ملامحها كما لاح الغضب والسخط الشديد علي ملامح ماس التي صكت أسنانها بينما تهتف بحنق ضاري : خديه بكل مميزاته وقبلها خدي كل عيوبه معاه ... شوفي الوش التاني اللي محدش بيشوفه غيري انا ....!!

رفعت حاجبها وتابعت : ايه مالك مستغربه ليه ....انتي متوقعه مثلا أن جاسر معندوش عيوب ولا إنه مش زي اللي كان عندك في البيت واتطلقتي مني ...لا يا روحي كل الرجاله copy paste من بعضهم .....ضحكت ساخره وتابعت : انتي بس اللي ياحرام ساذجه ومفكره أن الرجاله اللي بتشوفيهم برا واللي مفيش فيهم غلطه هما دول الحقيقين وإن اللي كان عندك هو الوحيد اللي فيه عيوب 

مجددا سخرت بينما تتابع : لا يا روحي هما بالضبط كده زينا لما بننزل من البيت حاطين make up ولابسين حلو اوي واول ما نرجع البيت نضرب البيجامه ونغسل وشنا ونرفع شعرنا كحكه .....هما بقي مش بيحطوا make up لا هما بيلبسوا وش الgentle man 

غص حلقها بينما تتابع : جاسر اللي كان بيروح معاكي مدرسه ولادك وواقف جنبك وشايل مسؤوليتك معايا انا مكنش بيعمل كده وانتي كان لازم تسألي نفسك هل هو كده مع ولاده ولا بيروح مدرستهم ....لا يا روحي كنت انا اللي بعمل كده وشايله المسؤوليه 

غامت عيناها بسخريه مريرة بينما تتابع : لو بصيتي كويس هتلاقيه نسخه من طليقك ونسخه من كل الرجاله المتجوزة اللي بتبقي حلوة اوي في عنين الستات فجاه معرفش ليه .......هزت كتفها واعتدلت واقفه بينما تتابع بتخلي : اهو عندك خديه بكل رضي ....!

ماس .....ماس 

أسرعت ماس تغادر ليمسك جاسر بذراعها يوقفها لتلتقي عيناهم.... انا اتحملت كل اللي قولتيه 

قالت ماس بتحدي : وانا اتحملت كل اللي عملته 

هز رأسه وتابع بأسي : انا مكملتش جملتي ....انا اتحملت كل اللي قولتيه بس مقدرش اتحمل انك تتخلي عني .....لانت قبضته علي ذراعها ليقربها إليه ويتابع بأسي شديد : عننا يا ماس....مقدرش ! 

قراءه ممتعه بقلم رونا فؤاد 

ايه رايكم و توقعاتكم