تحرك كريم ليغادر ليوقفه نوح : كريم
التفت كريم إليه ليتمهل نوح لحظه قبل أن يقول باستفهام : الا صحيح ...خير ...شايفك بقالك فتره كل يوم قاعد هنا وهناك مع واحده !!
توقع أن يراوغ أو يقول أنه فقط بطبيعه عمله يجلس مع بعض الأهالي حتي ولو كانت امهات...سيقبل بأي أجابه علي سؤاله الذي طرحه فقط كتلميح لكريم ولكنه تفاجيء بكريم يستدير إليه ويضع يداه بجيبوبه رافعا حاجبه بينما يجيب هو الآخر باستفهام ساخر : ايه ده ....يعني انت شايف قعدتي ومش شايف قعده اختك برا البيت كل الشهور دي
عقد نوح حاجبيه وقام من مكانه ليتجه ناحيه كريم ويقف أمامه مستنكرا باستفهام : قصدك ايه ؟!
قال كريم بجرأه : قصدي اللي فهمته يا نوح مش محتاج أوضح
سخنت الدماء بعروق نوح وازدادت عقده جبينه وهو يهتف : لا وضح يا كريم عشان كلامك مش فاهمه إذا كان تهديد ولا تحذير ولا مجرد كلمتين بتطلع فيهم زعلك
قال كريم ببرود : افهمه زي ما تفهمه يا نوح .... وقبل ما تتكلم معايا ولا تلمح ليا اظنك المفروض تتكلم مع اختك
احتقن وجه كريم وازدادت حده نبرته بينما يتابع : قولها ترجع بيتها وبلاش دلع
هدأ نوح من سخونه دماءه بينما يتفهم موقف كريم ليقول بتبرير : مش بتتدلع يا كريم ...قدر ياأخي اللي حصل لها
هتف كريم بانفعال : بتدلع يا نوح ...الدكتور قال انها كويسه ومش كل ما اتكلم عن الوضع ده تقولوا اقدر اللي حصلها لا هي أول ولا آخر واحده
سحب نوح نفس عميق وزفره ببطء وهز رأسه قائلا : مقدر انك مش غلطان ومش هقول أنها كمان مش غلطانه بس هقولك انت الراجل ...اتحمل ياأخي شويه وهي من نفسها هترجع أو اقولك علي حل تاني ...تعالي انت اقعد معاها واهو كام شهر يعدوا
هز كريم رأسه وهتف بعصبيه : لا مش هعمل كده ....قول لأختك ترجع البيت عشان مترجعوش تلوموا عليا في اللي هعلمه
ضيق نوح عيناه وقبل أن ينطق بشيء لوح كريم بيده وتابع : ولا متقولش لها حاجه ....ترجع ولا مترجعش براحتها خالص وانا كمان براحتي اعمل اللي يريحني
احتدمت نظرات نوح متسائلا : يعني ايه ؟!
قال كريم ببرود : اللي فهمته يا نوح
زم نوح شفتيه وهتف بانفعال : هش مش واحده بواحده يا كريم ....بلاش نخسر بعض
قال كريم بحنق : متهددنيش يانوح ... اللي بينا مش بس اني جوز اختك ...احنا ولاد عم وشركاه في النادي بس لو انت حابب تدخل الشغل في أمور البيت معنديش مانع ...سلام
انتفخ وجه نوح بالحنق وضرب المكتب بقبضته .... محمود ...محمود
اسرع ذلك الشاب إليه ليسأله : معلش يا محمود عاوزك تعرف ليا مين اللي كان كابتن كريم قاعد معاها ....هي والده حد من الولاد
عقد الشاب حاجبيه للحظات ثم سأل نوح : قصدك اللي كانت واقفه معاه من شويه
اومأ نوح ليقول محمود وهو يهز راسه : لا يا كابتن دي اعتقد صاحبه او قريبه ادم في فرقه مواليد ٢٠١٤ بتيجي اوقات تحضر مع والدته التمرين
تنفس نوح بحنق وهز رأسه : طيب لو سمحت لو شوفتها تاني بلغني
قراءه ممتعه بقلم رونا فؤاد
ايه رايكم و توقعاتكم
تفتكروا كريم عنده حق طيب هل نورهان بتدلع ولا هي في حاله نفسيه مخلياها حاسه بالأمان بس جنب والدتها
أترك تعليقا لطيفا يذكرني بك