حريم ال سلطان مناقشه

 

انا جيت ..... !!
وحشتوني
واضح أننا كلنا متفقين علي حازم واحنا مش لوحدنا ....انا بس هجيب ماسه و ووصال
أو كفايه وصال اللي لففتت المعلم هادي بجلاله قدره يجي كده خمسين فصل حوالين نفسه والراجل كان هيتجنن لغايه ما فكرت تحن عليه
وماسه برضه لما بتحط جاسر في دماغها الله يقويه بقي ....!!
المهم بقي ان من جهه حازم هنشوف هيحصل ايه
بس من جهه رنا .....ضعيفه ...جبانه ... اي وصف
مش هوصفه ولا هقول هي ليه ساكته
هقول كام واحده مننا احيانا بيكون جواها رنا
مع العلم اني لما بجيب رنا بجيب شويه مشاهد واكيد مش توتال الحياه بتاعتها وعشان كده بتكون الجرعه مركزه علي السلبيات مثلا ولكن في العموم اكيد مش كل يوم بتتخانق معاه ولا كل يوم حماتها البومه بتشوفها وهنا بقي الحياه ...الحياه بتمشي وبتكمل ومش كل واحده بتطلق مثلا لو معاها راجل زي حازم وهنا بقي النقطه حازم ...حازم واللي فينا معاها حاجه شبه حازم تتصرف معاه ازاي وده هدفي مش أن رنا تبهدله ولا تتخانق ولا حتي تتطلق noooo الهدف ازاي اتعامل مع نرجسي كان ليا يد في صنعه
نحلل رنا في كلمتين بنوته زي اي بنت زي مريم كمان في البدايات عاوزة تعيش ...تعيش حب ...تعيش سلام ...تعيش جو أسري ...المهم انها من البنات اللي زي أغلبنا عاوزة تعيش ويومها يعدي بسلام جنب الحيط ...حبت واتحوزت من غير حسابات وأدت جوزها من غير حسابات وده مش غلط ولكن كتر العطاء مش دايما مطلوب لأنها وهي بتعطي بتنسي نفسها ..... واحده واحده بتلاقي نفسنا شبه امهاتنا وبتعمل الحاجه اللي كنا بنقول عمرنا مانعملها زي ماما لما تأكل البواقي لما مش لتشتري لنفسها جديد وتجيب اولادها مثلا لما بتكبر بتبقي كده مش بالأكل بس انا بتكلم في العموم
كل ما بتكبر بتفضل اسرتنا وأولادنا علينا حتي ياجماعه في صدر الفرخه معروف للااب وبعده الزوج🤣
رنا زينا بس جايز مركزة شويه الجرعه
حازم بقي حدث ولا حرج لو كان معاه واحده زي روان
كان هيعمل لها الف حساب للاسف
رنا لما عودت حازم أنها بلا طلبات بقي ده العادي بلا أولويات بقي ده العادي
هو الأول بقي ده العادي
بتخاف علي نفسيه البنت بقي ده مسؤوليتها
بتعمل كل حاجه ومش بتقول فبقي صنيعها عادي
بتكبر فيه وتفخم زياده عن اللزوم انتفخ وصدق أنه اهم منها سكتت أنه بيبص لغيرها فشاف أن ده عادي
رنا خدت نرجسيه الراجل اللي طبيعيه جوه أغلبهم وكبرتها اوي وهنشوف ازاي هتتعامل معاه
روان بقي كان بأيدها بتنفخ نوح وبأيدها تحسسه أنه ولا. حاجه ...اتقنت اللعب بنرجسيه الراجل وغروره بقي عاوز يعمل اي حاجه عشان تشوفه حاجه كبيره مع أنه كبير حتي بأخلاقه ..أهله عملوا لها الف حساب عشان مكانش بيسمح لحد يتكلم كلمه متعحبهاش كان عامل ليها وضع وان كرامتها من كرامته ومن غير مشاكل واضحه الخطوط من الاول
رنا مش بتقول لحازم كل سخافات امه وبتعدي غلي اساس تمشي الدنيا وتحافظ علي بينها وعشان كده مستحيل سوسن تعمل لها حساب لأن سوسن عارفه أنها مش هتقول وحازم متعودش رنا تقوله امك عملت وعشان كده استغرب المقاوحه
الخلاصه زي ما بقولكم دائما مفيش قاعده ولا مسطره في ميزان احنا بس اللي نقدر نوزن بيه كل علاقه لأن كل علاقه غير التانيه مستنيه رأيكم وشدوا حيلكم شويه في كتابه رايكم في الاحداث بلاش استيكرات وبرافو لا لو فعلا بتقدروني اكتبوا عجبكم مشهد ايه وايه ممكن يحصل اتناقشوا وقولوا اللي بيدور في عقلكم اثناء القراءه وطبعا شكرا  لكل اللي بيكتب
من فتره كنت بعيد روايه قديمه قريت كام فصل وفعلا استغربت من كميه التعليقات غلي كل فصل كان رقم كبير وكله نقاش مع انها روايتي بس بحكمي الحالي كانت روايه هبله بلا منطق ولا واقعيه يعني من الاخر مش بالدرجه اللي حاليا مثلا بكتب فيها بعمق ومع ذلك كان فيه كتير حابين وبيكتبوا ...🤔🤔🤔 معناه ايه
الجمهور اتغير مثلا ..... الاغلبيه حابه روايات اقلب وكرر مشهدين حب ....مش عارفه ...المهم بقي مستنيه رأيكم