حريم ال سلطان اقتباس من الفصل القادم

 امسكت سوسن بذراع كريم برفق قائله : اهدي يا حبيبي ...مالك قلقان ليه ؟!

هتف كريم بقلق بينما عيناه تتحرك هنا وهناك : نور كويسه

ضحكت سوسن بخفه بينما ترسم نظرات الاستخفاف بعيناها وهي تقول ببساطه : كويسه يا حبيبي ... بتدلع شويه 

عقد كريم حاجبيه بينما مالت عليه سوسن وتابعت بنبره مهتمه تخفي بها مكرها : انت مزعلها ولا حاجه يا كيمو

ازدادت عقده جبين كريم بعدم فهم لتتابع سوسن ضاحكه بخفه : تلاقيك زعلتها وهي حبت تشوف غلاوتها عندك 

هز كريم رأسه بشتات بينما اتجه سريعا تجاه الطبيب يسأله ؛ نورهان حالتها عامله ايه ؟

قال الطبيب باقتضاب وهو يهز كتفه : حاله ايه ...المدام كويسه مفيش فيها اي حاجه 

قال كريم بينما بدأت الدماء تسري بعروقه : كويسه ازاي 

هتف الطبيب بنفاذ صبر : يعني كويسه ....عملنا 4d وعملنا كل التحاليل وكل حاجه كويسه 

توقف كريم مكانه بينما تحرك الطبيب لتقترب منه سوسن وترفع حاجبها بتأكيد له عن ما قالته لتتابع وهي ترسم التأثر : مش عارفه ايه حكايه بنات الايام دي ...لوت شفتيها بينما تتابع : يا حظك يا زيزي في ولادك ...نظرت تجاه كريم وتابعت بتأثر زائف : اهو شوف نوح واللي عملته فيه مراته ودلوقتي نورهان كمان بتتدلع وجيباك علي ملي وشك علي الفاضي 

زم كريم شفتيه بينما أخفت سوسن نظراتها المنتصره وهي تتابع : دي حوريه جريت وانا قلبي كان هيقف من القلق لما زيزي كلمتني ....وصلت إلي مبتغاها من رؤيه تلك الملامح علي وجه كريم لتقول وهي تربت علي كتفه : يلا معلش تلاقيها زي ما قولتلك بتدلع عليك حبتين 

هزت كتفها وتابعت : انت وحازم ونوح مفيش فيكم واحد عارف يشد شويه علي مراته ...انا هقولك زي ما بقول لحازم .... الستات متحبش الدلع والا بتسوق فيها !

نظرت رنا الي حازم باستفهام : يعني ايه ؟

قال حازم ببساطه : عادي يا رنا ...انتي اول ما ندخل تقولي ليها مكنش قصدي ازعلك يا طنط وحقك عليا وخلاص الموضوع يخلص 

ابتلعت رنا ببطء ونظرت الي حازم باستنكار : حازم انت عاوزني اعتذر لمامتك 

هز كتفه وقال وهو ينظر إليها : مش فارق المسمي المهم انك تصالحيها 

اقتباس متقدم 

عقد نوح حاجبيه باستفهام : مش موافقه !

اومات رنا وهي تنظر له باعتذار : هي قالت كدم 

احتدت ملامحه متسائلا : ومقالتش ليه رافضه 

قالت رنا برفق : قالت مش مرتاحه يا نوح 

قراءه ممتعه بقلم رونا فؤاد 

ايه رايكم و توقعاتكم