تلاحقت انفاس هادي بينما غلت دماءه بعروقه كالبركان ليلتفت الي وصال ويهتف بحده لأول مره تلمسها منه :
انتي بتضحكي علي نفسك ولا عليا .. !!
نظر لها بجفاء نابع من اشواك الجفاء التي زرعتها بقلبه وادمته :
بتضحكي علي نفسك بالكلمتين دول ولا بتضحكي عليا وعاوزاني اصدقهم .....رفع إصبعه أمام وجهها وتابع : عاوزاني اصدق انك مش عاوزاني وبتنكري كل اللي في قلبك من ناحيتي ...ازداد احتدام نبرته بينما يهتف بغضب شديد : ولما هو كده بتقربي ليه ...!!
ليييه مقفلتيش كل ابوابك في وشي. .... ليه سايبه دايما باب مفتوح واول ما اقرب تقفليه في وشي وتقولي لا !!
مسح وجهه بانفعال شديد ومال يغلق ازرار قميصه ويعقد حزامه الجلدي بينما صدره يعلو ويهبط ليرفع إليها عيناه ويتابع بخزلان شديد وخيبه امل :
اقولك ...مش مهم ....مش مهم أسأل ولا مهم تجاوبي عشان الصورة اللي بقيت شايفها عنك انك بتلعبي بيا وبمشاعري ...!!
تغضنت نبرته بالاسي الشديد علي نفسه بينما يتابع وهو يشيح بعيناه عنها بينما تهز راسها والالم مرتسم علي ملامحها : عاجبك اني افضل اجري وراكي.... راضي غرورك اني افضل ذليل ليكي
قالت بلسان ثقيل وهي تتجه ناحيته : هادي انا مش كده وانت عارف
صرخ بها بانفعال : امال انتي ايه ؟!
قالت بأسي بينما شقت الدموع طريقها الي حلقها :
انا واحده مجروحه
التفت لها ونظر الي عيناها التي لمعت بها الدموع ليس من أجلها بل من أجله ليصرخ بها : لحد امتي ؟!
أغلقت اهدابها علي دموعها بينما تقول : لحد ما احس اني سامحت !
مرت لحظه صمت ثقيله علي كلاهما بينما كانت لحظه حاسمه ليأخذ بها قراره مخالف اي مشاعر أو عواطف قلبه الخائن مازال يحملها لها ليبتلع وينظر لها هاتفا برفض لأول مره : وانا مش تحت امرك !!
انصدمت ملامحها واهتزت نظراتها كما ضرب زلزال قلبه بينما وضع عقله خط النهايه ...مال تجاه الاريكه وجذب سترته واتجه الي الباب دون الوقوف لحظه لتسرع وصال خلفه تمسك بذراعه توقفه : هادي
لأول مره يرفض قربها ليبعد يدها عن ذراعه ويهتف بسخط وهو يندفع الي الباب : اوعي
......
قراءه ممتعه بقلم رونا فؤاد
ايه رايكم و توقعاتكم
صعبت عليا للاسف
ردحذفياريت وصال تحاول تنسى وتسامح
ردحذفاخيرا ياراجل
ردحذف